Unicode
ဆိုင်ဝယ် လမ်းမဘေးထောင့်ရှိ စားပွဲတစ်လုံးသာ လွတ်နေသည်။ လမ်းမီးအလင်းရောင်နှင့် အနည်းငယ် ဝေးနေ၍ လစ်လပ်နေခြင်းလည်း ဖြစ်နိုင်၏။ အလင်းအားမကောင်းသောကြောင့် တစ်ဦးတစ်ယောက်မျှ လာမထိုင်ကြပေ။
သို့သော် ၎င်းနေရာသည်ပင် ရှရှင်းချန်နှင့် ရန်ရို့မင် တို့ အတွက် အကောင်းဆုံးပင်ဖြစ်တော့သည်။
စားပွဲနှင့်ထိုင်ခုံလေးများသည် အလွန်နိမ့်သည်။ ရန်ရို့မင် ထိုင်ချလိုက်သည့်အခါ သူ့ခြေတံရှည်များသည် အထားရခက်ခဲစွာ အလွန်ပင် ကို့ရိုးကားယားနိုင်နေတော့မည်ဟု ရှရှင်းချန် တွေးနေမိသည်။ သူကိုယ်တိုင်လည်း ထိုင်ရသည်မှာ သက်တောင့်သက်သာ မရှိ။ သို့သော် ရန်ရို့မင်အတွက် ယင်းကိစ္စက အခက်ခဲမရှိ အဆင်တပြေ ဖြစ်ပုံရပါသည်။ ရန်ရို့မင်က တစ်ရှူးအနည်းငယ် ယူလိုက်ကာ ရှရှင်းချန်ရှေ့ စားပွဲတစ်ဝိုက်ကို သုတ်ပေးရင်း မေးပါ၏။
"မင်း တခြား ဘာစားချင်သေးလဲ"
ရှရှင်းချန် ချက်ချင်းပင် တစ်ရှူးနှစ်ရွက်ခန့် ယူလိုက်ကာစားပွဲကို သူ့ဘာသာ သုတ်လိုက်ရင်း ဆို၏။
"ကျွန်တော် လုပ်လိုက်ပါ့မယ်"
ရန်ရို့မင်က ရပ်တန့်ခြင်းမရှိ။
ရှရှင်းချန်လည်း တားမနေတော့ဘဲ မေးလိုက်ပါ၏။
"ဝက်ခြေထောက်ကင်အပြင် တခြား တစ်ခုခု
ရှိသေးတာလား"
ရန်ရို့မင်က ဖြေသည်။
"မှတ်မိသလောက်တော့ ဒီမှာ ကြက်ဥခေါက်ဆွဲကြော် လည်း ရတယ်"
ရှရှင်းချန်ပုံစံက အနည်းငယ် အခက်တွေ့သွားသည့်ဟန်။
ပြန်မေးသည့် ရန်ရို့မင်၏ အသံက ညင်သာတိုးလျသည်။
"ဘာဖြစ်လို့တုန်း"
ရှရှင်းချန်က တိုးတိုးဆို၏။
"ကျွန်တော် တကယ်စားချင်ပါတယ် ..ဒါပေမယ့်
ကျွန်တော့် ဒီခန္ဓာကိုယ်ကို ထိန်းမထားနိုင်မှာစိုးလို့"
သူသည် ငယ်ရွယ်ကာ ကိုယ်အလေးချိန် အလွယ်မတက်လာတတ်သော်လည်း သူ့စားချင်စိတ်ကို အချိန်တိုင်း ထိန်းချုပ်ထားရမည် ဖြစ်၏။ အထူးသဖြင့် သူ ရုပ်ရှင်ရိုက်ကူးနေရချိန်တွင် ထိန်းထားရမည်။
YOU ARE READING
The Star Around The Sun (Burmese Translation)
RomanceDescription : MC is a normal actor in the entertainment industry and ML is a very famous actor. They met on the set of a BL film which is directed by a well-known director. And .. what will happen ? Read the story if you wanna know. ;) It's my very...
