The Star Around The Sun (Burmese Translation)

- 95 -

Unicode

ရန်ရို့မင်သည် ရှရှင်းချန်၏ တက်တူးအား ဖွဖွလျက်ရင်း နမ်းရှိုက်နေ၏။ အိပ်ယာထက်တွင် ဒူးတစ်ဖက်ထောက်အနေအထားဖြင့် ရှရှင်းချန်၏ပခုံးကို ဆုပ်ကိုင်ထားရင်းက သူ့လှုပ်ရှားမှုများသည် ရုတ်ချည်းပင် အလျင်လိုလာဟန်ဖြင့် မြန်ဆန်ကြမ်းတမ်းလာ၏။

သူ့နှုတ်ခမ်းများသည် ရှရှင်းချန်၏လည်တိုင်တစ်လျှောက် ရွေ့လျားလာကာ အဆုံးသတ်တွင် ရှရှင်းချန်၏ နှုတ်ခမ်းထောင့်စွန်းများထံ ဖိကပ်လာသည်။ ထို့နောက်တွင်တော့ ခေါင်းကိုငုံ့ချကာ ထိုနှုတ်ခမ်းနှစ်လွှာကို အညှာတာမရှိ ဖိကိုက်တော့၏။

ရှရှင်းချန် ရန်ရို့မင်၏အနမ်းများအား ခေါင်းကိုတိမ်းမော့လိုက်ရင်း လက်ခံရယူလိုက်သည်။ သူ့ခန္ဓာကိုယ်သည် အဖျားရှိန် အနည်းငယ် တက်နေကာ နှုတ်ခမ်းတို့သည်လည်း မီးဘောလုံးကိုတင်ထားရသကဲ့သို့ပင် ပူပြင်းတောက်လောင်နေ၏။ ထိုအခိုက်တွင် သူ့နှုတ်ခမ်းဖူးတို့ကို ထိတွေ့နေသည့် ရန်ရို့မင်၏ နှုတ်ခမ်းများနှင့် လျှာတို့သည် အနည်းငယ်သော အအေးဓါတ်ကို ပေးစွမ်းနေသည်။ ရှရှင်းချန် လက်များကို မြှောက်လိုက်ကာ ရန်ရို့မင်၏လည်တိုင်တစ်ဝိုက်ကို ဖက်တွယ်ထားလိုက်၏။ သူ့ခန္ဓာကိုယ်ကအားနည်းနေသော အခြေအနေ ဖြစ်နေသော်လည်း သူ ရန်ရို့မင်ကို အလွန်အမင်းပင် ဖက်တွယ်ထားချင်နေသည်။

ရန်ရို့မင်၏လက်က သူ့ ကျောပြင်တစ်လျှောက်သို့ ပွတ်သပ်နေရင်း ချွေးများဖြင့် ရွှဲနစ်နေသည့်ဆွယ်တာအင်္ကျီအောက်သို့ တိုးဝင်လာကာ နောက်ကျောပြင်နှင့် ခါးတစ်ဝိုက်ကို ပွတ်သပ်ဖိဆုပ်နေ၏။

ခဏချင်းပင် ခန္ဓာကိုယ်က ပို၍တောက်လောင်ပူပြင်းလာသည်ကို ရှရှင်းချန်ခံစားလာရသည်။ သူ့ခါးမှာ ပျော့ခွေသွားကာ အသက်ရှူသံတို့မှာလည်း ပြင်းရှနေပြီး ပြတ်တောင်းတောင်းဖြစ်လာရပြီ၊ ထို့ပြင် ပေါင်တံတို့ပင် အနည်းငယ် တုန်ယင်နေတော့၏။ ထို့နောက်တွင် ရန်ရို့မင်၏ နှုတ်ခမ်းများက သူ့နှုတ်ခမ်းတို့ထံမှခွာကာ နားသယ်စပ်ထံ ဖိကပ်ရင်း တိုးတိုးရေရွတ်သည်။