Unicode
သူတို့ ညစာ စားပြီးသည့်နောက်တွင် မာမားဖန်က စားပွဲအား ရှင်းလင်းကာ ဖန်ကျင့်ယွမ်က ဘီယာပုလင်းအလွတ်များကို စတိုးဆိုင်ငယ်တွင် ပြန်သိမ်းထားလိုက်သည်။ နောက်တစ်နေ့တွင် ပစ္စည်းလာပို့သူများထံ ပုလင်းခွံပြန်အပ်ရန်ဖြစ်ပါ၏။
ဧည့်သည်ဖြစ်သူ ယွီဟိုင်ရန်သည်တော့ အနားယူရန် ပြန်သွားခဲ့ပါ၏။
စတိုးဆိုင်တွင်းတွင် မှောင်နေပြီ ဖြစ်သော်လည်း မီးခလုတ်သည် တံခါးဘေးတွင်ရှိသည်ဖြစ်ရာ
ဖန်ကျင့်ယွမ် သွားဖွင့်လိုက်ရန် ပျင်းနေသည်ကြောင့်
စတိုးဆိုင်နောက်ဘက် မီးဖိုချောင်မှ အလင်းရောင်သာ ဆိုင်အတွင်းတွင် မြင်ရရုံခပ်မှိန်မှိန်လင်းနေခဲ့သည်။
ဖန်ကျင့်ယွမ်အဖြစ်သရုပ်ဆောင်နေသူ ရှရှင်းချန်သည် ကြမ်းပြင်ပေါ် ဆောင့်ကြောင့်ထိုင်လိုက်ကာ ပုလင်းလွတ်များကို ဘီယာပုလင်းထည့်သည့် ပလတ်စတစ် အကန့်ထဲသို့ တစ်ခုချင်း စီထည့်နေပါ၏။ သူ့နှလုံးသားရှိ စိတ်ခံစားမှုများကို လျော့ပါးသွားစေရန် လှုပ်ရှားမှုအား ခပ်မြန်မြန်သွက်သွက် လုပ်ဆောင်နေတော့သည်။
ဖန်ကျင့်ယွမ်၏ စိတ်ခံစားမှုများအား အပြည့်အဝ နစ်ဝင်ခံစားနိုင်ပြီးနောက်တွင်တော့ ရှရှင်းချန်သည် သူ့လုပ်ဆောင်ချက်တိုင်းအား အသေအချာစီစဉ်ထားရန်ပင် မလိုအပ်တော့။ သူ့တုံ့ပြန်မှုတော်တော်များများသည် ပင်ကိုယ်သိစိတ်က ထိုးထွက်လာခြင်းဖြစ်၏။ သူ
တကယ့်ကို စိတ်ဆိုးဒေါသထွက်နေပါသည်။
ထိုအချိန်တွင် ယွီဟိုင်ရန်အဖြစ်သရုပ်ဆောင်နေသူ
ရန်ရို့မင် ရောက်လာကာ တံခါး၌ မှီရပ်ရင်း သူ့ကို ကြည့်နေခဲ့ပါ၏။
ရှရှင်းချန်သည် ဘီယာပုလင်းခွံများထည့်ထားသော ပလတ်စတစ်အကန့်ကို အစွန်းမှ မယူလိုက်ကာ ထောင့်တစ်ခုတွင် ရွှေ့ထားလိုက်သည်။ သူ့လက်များအား ပြန်အရုတ်တွင် ထိုအကန့်ငယ်၏ ချွန်ထွက်နေသည့် အစွန်းနှင့် တိုက်မိကာ လက်ရှသွားတော့သည်။
၎င်းအဖြစ်သည် ဇာတ်ညွှန်းတွင်မပါဝင်ပေ။ တကယ့်ကို မတော်တဆ လက်ရှသွားခြင်း ဖြစ်ပါ၏။
YOU ARE READING
The Star Around The Sun (Burmese Translation)
RomanceDescription : MC is a normal actor in the entertainment industry and ML is a very famous actor. They met on the set of a BL film which is directed by a well-known director. And .. what will happen ? Read the story if you wanna know. ;) It's my very...
