Unicode
အခန်းတွင်းအပူချိန်သည် ပုံမှန်နှင့်မတူစွာပင် မြင့်တက်နေ၏။ ရှရှင်းချန်၏ ခန္ဓာကိုယ်တစ်ခုလုံးတွင် ချွေးများရွှဲနစ်နေသော်လည်း တစ်စက်ကလေးမှပင် လှုပ်ချင်စိတ်မရှိသည်ဖြစ်ရာ အိပ်ယာထက်တွင် ပျင်းပျင်းရိရိ ခွေခေါက်လှဲလျောင်းနေလေသည်။ လွန်ခဲ့သည့် တစ်ခဏက သူ တင်းတင်းကြပ်ကြပ် ဆုပ်ကိုင်ထားမိသည့် မျက်နှာသုတ်ပုဝါသည် အစုအလုံးအဖြစ် တွန့်ကြေမွနေတော့သည်။
ရန်ရို့မင်က ရှရှင်းချန်၏အနောက်တွင် ဘေးစောင်းအနေအထားနှင့် လှဲနေရင်း ရှရှင်းချန်၏ ချွေးများရွှဲစိုနေသည့် ခန္ဓာတစ်လျှောက်အား သူ့လက်ဖဝါးဖြင့် အစုန်အဆန် ပွတ်သပ်နေပါ၏။
ရှရှင်းချန် ရုတ်တရက် ဖွင့်မေးလာသည်။
"မင်ကောအပေါ် လင်းကျားယွဲ့ရဲ့သဘောထားက အတော်လေး မူမမှန်တာကို မင်ကော သတိမထားမိဘူးလား"
ရန်ရို့မင် စကားမဆို။ ရှရှင်းချန်၏ခါးတစ်ဝိုက်ကို ဆက်လက်ပွတ်သပ်နေလေသည်။ ရှရှင်းချန်က သူ့ထံ ခေါင်းလှည့်ကြည့်လာမှသာ တိုးတိမ်တိမ် ပြန်ဖြေပါ၏။
"ကိုယ် သတိထားမိပါတယ်"
ရှရှင်းချန် ရန်ရို့မင်ကို စိုက်ကြည့်နေပါ၏။ ရန်ရို့မင်ကလည်း အကြည့်ကိုမလွှဲဖယ်၊ တုံ့ပြန်ငေးကြည့်နေလေသည်။ သိုနှင့် ရှရှင်းချန် ထပ်မေးလိုက်၏။
"အဲ့ဒီ့အပေါ် တစ်ခုခုလုပ်ဖို့ အစီအစဉ်မရှိဘူးပေါ့?"
ရန်ရို့မင် ခဏငယ်ခန့် တွေးတောနေပုံရသည်။
"အရင်ကလည်း ကိုယ့်အပေါ် စိတ်ဝင်စားနေတာကို ဖွင့်ပြောလာတဲ့ အမျိုးသမီးတွေ၊ ဒါမှမဟုတ် အရိပ်အမြွက်ပြတဲ့ အမျိုးသမီးတွေ အများကြီးရှိတာပဲ.. သူတို့တွေ ကိုယ့်ဆီ တိုက်ရိုက်ဖွင့်ပြောရင်တော့ ကိုယ် ကောင်းကောင်းမွန်မွန် ငြင်းလိုက်တာပဲရယ်၊ သူတို့က အရိပ်အယောင်ပြရုံလောက်ပဲဆိုရင်တော့ ကိုယ်က မသိသလို ဟန်ဆောင်နေလိုက်တာပဲ.. အချိန်တစ်ခုကြာပြီးသွားရင် သူတို့ သဘောပေါက်သွားလိမ့်မယ်"
လင်းကျားယွဲ့သည် သူမစိတ်ဝင်စားနေသည့်အကြောင်းကို ပွင့်ပွင့်လင်းလင်း ဖွင့်မပြောသေးပေ။ အမှန်တွင်မူ သူမ အရိပ်အယောင်ပြနေသည်ဟုပင် ရှရှင်းချန် ယတိပြတ် မပြောနိုင်။ သူမက စောင့်ထိန်းရမည့်ကျင့်ဝတ်ကို အနည်းငယ် သတိမမူမိသည်လည်း ဖြစ်နိုင်၏။
YOU ARE READING
The Star Around The Sun (Burmese Translation)
RomanceDescription : MC is a normal actor in the entertainment industry and ML is a very famous actor. They met on the set of a BL film which is directed by a well-known director. And .. what will happen ? Read the story if you wanna know. ;) It's my very...
