Unicode
ရှရှင်းချန်သည် အောက်ခံဘောင်းဘီကို လဲလှယ်လိုက်ကာ ရေချိုးဝတ်ရုံကို ဝတ်ဆင်လိုက်သည်။ မိတ်ကပ်ပညာရှင်က သူ့ဆံပင်ကို အခြောက်ခံစက်ဖြင့် ခြောက်အောင်လုပ်ပေးပါသည်။ နောက်ဇာတ်ဝင်ခန်းကို ဆက်မရိုက်ခင်အတွက် တစ်ဝက်ခန့် ခြောက်သွေ့ရန်သာ လိုအပ်ပါ၏။
ရန်ရို့မင်လည်း ရွှဲစိုနေခဲ့သည့် အဝတ်များကိုချွတ်ကာ ရေချိုးဝတ်ရုံတစ်ထည် ဝတ်ထားသည်။ သူ့ဆံပင်နှင့် မိတ်ကပ်များကိုလည်း ပြင်ဆင်ထားပြီးပြီ ဖြစ်၏။ နောက်ထပ် ဆက်ရိုက်ရမည့်ဇာတ်ကွက်မှာ သူတို့
ကိုယ်လက်နှီးနှောသည့် ဇာတ်ဝင်ခန်းဖြစ်ပါ၏။
ရိုက်ကူးမှုမစတင်ခင် ဟေးကျန်းသည် အိပ်ယာဘေးဘက်ရှိ ထိုင်ခုံရှည်တွင် ထိုင်နေခဲ့ကာ ရန်ရို့မင်နှင့် ရှရှင်းချန်ကို ပြောပါ၏။
"ရိုက်ကူးမှုကိုပဲ အာရုံစိုက်ထား"
ကုတင်ခေါင်းရင်းဘက်တွင် ထိုင်နေသော
ရှရှင်းချန်သည် ဟေးကျန်းကို အာရုံစူးစိုက်လျက်
ကြည့်နေရာမှ ဟေးကျန်းက ထိုသို့ပြောလိုက်ရာတွင်
သူ ရန်ရို့မင်ရှိရာဘက်သို့ ခေါင်းလှည့်မကြည့်လိုက်ဘဲ
မနေနိုင်ခဲ့။
ရန်ရို့မင်သည် ရှရှင်းချန်နှင့် ခပ်လှမ်းလှမ်းဖြစ်သည့်
ကုတင်ခြေရင်းဘက်တွင် လက်ပိုက်လျက် ထိုင်နေသည်။ သက်တောင့်သက်သာ ခြေချိတ်ထိုင်နေခြင်းဖြစ်ရာ ရှည်လျားသည့် ခြေတံတို့က ရေချိုးဝတ်ရုံအောက်မှ
ဆန့်တန်းကျလျက်။ သူက ဟေးကျန်း၏ စကားကို မေးခွန်းထုတ်သလိုဟန်ဖြင့် ပြန်ရွတ်ပါ၏။
"ရိုက်ကူးမှုကိုပဲ အာရုံစိုက်ထား?"
ဟေးကျန်းက စီးကရက်တစ်လိပ်ကို မီးညှိကာ တစ်ရှိုက်ရှုသွင်းလိုက်ပြီးနောက် ဖြည်းဖြည်းချင်း ရှူထုတ်လိုက်ပါ၏။
"မင်း ရုပ်ရှင်တွေအများကြီးမှာ သရုပ်ဆောင်ခဲ့သားပဲ .. ဒီလို ကုတင်ပေါ်ကဇာတ်ဝင်ခန်းမျိုးကို မင်းဘယ်လို ကြည့်ကောင်းအောင်လုပ်မလဲ .. မင်း ငါ့ကိုတောင် ပြန်သင်ပေးလို့ရနေပြီ"
စီးကရက်မီးခိုးငွေ့များသည် ရှရှင်းချန်၏မျက်နှာ
တည့်တည့်သို့ ဝေ့ဝဲရောက်ရှိလာသဖြင့် သူ့ ခေါင်းကို
အနည်းငယ်ငုံ့လိုက်ကာ မသိမသာ ရှောင်ရှားလိုက်သည်။
YOU ARE READING
The Star Around The Sun (Burmese Translation)
RomanceDescription : MC is a normal actor in the entertainment industry and ML is a very famous actor. They met on the set of a BL film which is directed by a well-known director. And .. what will happen ? Read the story if you wanna know. ;) It's my very...
