Unicode
ရိုက်ကူးရေးနောက်တစ်ရက် : ဆန်းယောင် ငှားရမ်းထားသောတိုက်ခန်းတွင် ဟန်ပေါ်ဟန် ရောက်နေခြင်းအား ရုပ်ရှင်စတူဒီယိုအတွင်း ရိုက်ကူးထားသည့်ဇာတ်ဝင်ခန်း။
မှုခင်းဖြစ်ပွားရာနေရာဖြစ်သည့် ယင်းတိုက်ခန်းသို့ နောက်ဆုံးအကြိမ်ရောက်ခဲ့သည်နှင့်မတူစွာပင် ယခုအကြိမ်ရောက်လာသည်က ဆန်းယောင် လွတ်မြောက်ပြီးနောက်ပိုင်း၌ ရောက်လာခြင်း ဖြစ်သည်။ အမှုကိစ္စ အဆုံးသတ်ပြီးနောက် ဟန်ပေါ်ဟန် ဆန်းယောင်၏ အိမ်သို့ ရောက်လာရခြင်းအကြောင်းရင်းမှာ လမ်းပေါ်တွင် မတော်တဆဆုံမိခြင်းကြောင့်ပင်။
စနေ၊တနင်္ဂနွေ အားလပ်ရက်ဖြစ်သဖြင့် ဟန်ပေါ်ဟန် မြို့ထဲတွင် တစ်ယောက်တည်း ကားပတ်မောင်းနေခြင်း ဖြစ်သည်။ ရာသီဥတုက တောက်တောက်ပပသာယာနေသော်လည်း သူ နောက်တစ်လမ်းသို့ ချိုးကွေ့လိုက်သည့်အခိုက်တွင်ပင် ကောင်းကင်သည် ရုတ်ချည်း မှောင်ကျသွားလေ၏။
ထို့နောက်တွင်မူ ပဲစေ့အရွယ်ခန့်ရှိမည့် မိုးရေစက်များသည် ကားလေကာမှန်အပေါ်သို့ တဗျောက်ဗျောက်ကျလာသည်ကို ဟန်ပေါ်ဟန် တွေ့လိုက်ရသည်။ ကားလေကာမှန်ထက်ရှိ အလိုအလျောက်ရွေ့လျားစနစ်ဖြင့် ရေသုတ်ပေးသည့် လက်တံရှည်များသည် ဘေးတိုက်အနေအထားနှင့် ဘယ်မှညာ စတင်ရွေ့လျားလာကြကာ မှန်သားပြင်ပေါ်သို့ အဆက်မပြတ်ကျဆင်းလာသည့် မိုးရေစက်များကို ဖယ်ရှားပေးနေတော့သည်။
မိုးက ဆိုင်းမဆင့် ဗုံမဆင့် ရွာချလာခြင်းပင်။ လမ်းမပေါ်ရှိ ဖြတ်သွားဖြတ်လာများသည် လမ်းဘေးဝဲယာနှစ်ဖက်ထံ ခပ်သွက်သွက်ပြေးလျှောက်ကာ မိုးခိုကြသည်။ ထိုသူတို့သည် စိတ်ကသိကအောက်ဖြစ်နေသည့် အမူအယာကိုယ်စီဖြင့် ကောင်းကင်ကို မော့ကြည့်ရင်း မိုးတိတ်မည့်အခိုက်အတန့်ကို စူးစမ်းနေကြပါ၏။
ထိုအခိုက်တွင် ဟန်ပေါ်ဟန် ဆန်းယောင်ကို တွေ့လိုက်ခြင်း ဖြစ်သည်။
ဆန်းယောင်သည် အနက်ရောင် ဂျင်းဘောင်းဘီနှင့် နေဗီပြာရောင်ရှပ်အင်္ကျီလက်ရှည်ကို တွဲဖက်ဝတ်ဆင်ထားသည်။ ကနဦးတွင် သူသည်လည်း လမ်းဘေးတစ်နေရာတွင် မိုးခိုနေကြသည့် လူအုပ်ကြီးအနက်မှ တစ်ယောက်ဖြစ်၏။ သို့သော် တစ်ခဏအကြာတွင် ဆန်းယောင်သည် မိုးသည်းထန်စွာရွာသွန်းနေသည်ကိုပင် ဂရုမစိုက်တော့ဘဲ မိုးခိုနေရာမှ အကြောင်းရင်းမရှိ ရုတ်ချည်းပြေးထွက်သွားလေသည်။ တဝေါဝေါကျဆင်းနေသည့် မိုးရေစက်များကြောင့်တစ်ခဏချင်းအတွင်း၌ သူ့တစ်ကိုယ်လုံး ရွှဲနစ်သွားတော့၏။
YOU ARE READING
The Star Around The Sun (Burmese Translation)
RomanceDescription : MC is a normal actor in the entertainment industry and ML is a very famous actor. They met on the set of a BL film which is directed by a well-known director. And .. what will happen ? Read the story if you wanna know. ;) It's my very...
