Unicode
အရေးကြီးသည့် ဇာတ်ဝင်ခန်းတစ်ခုကို ယနေ့တွင် ရိုက်ရမည် ဖြစ်၏။ ယင်းသည် ရုပ်ရှင်တစ်ခုလုံး၏ အထွဋ်အထိပ် ဖြစ်သည်။
အစက တစ်မိသားစုလုံး ခရီးထွက်ရန် ပြင်ဆင်ထားပါ၏။ ထိုနေ့တွင် အိမ်၌ မိသားစုဝင် တစ်ဦးမှ မရှိသော်လည်း နားမကောင်းသည့် အိမ်တော်ထိန်း ကျန်ခဲ့သည်။ ချန်ချန်းကျင်နှင့် သူ့ချစ်သူမိန်းကလေးတို့သည် ပိုက်ဆံခိုးရန်အတွက် အိမ်ထဲသို့ ပုန်းလျှိုး ကွယ်လျှိုးဖြင့် ဝင်လာခဲ့ကြသည်။ သို့သော်လည်း ရလာဒ်အနေဖြင့် သူ့ကောင်မလေးသည် ချန်ပုချုံ၏ မှားယွင်းသတ်ဖြတ်ခြင်းကို ခံလိုက်ရ၏။ ချန်ပုချုံသည် ကျားလီကျိကို သတ်ရန်အတွက် အိမ်သို့ တိတ်တဆိတ် ပြန်လာခဲ့ခြင်း ဖြစ်၏။ချန်ပုချုံသည် ကြောက်လန့်နေသော ချန်ချန်းကျင်ကို စိတ်ငြိမ်စေကာ ချန်ချန်းကျင်ရည်းစား၏ ရုပ်အလောင်းကို ဝှက်ထားလိုက်သည်။ တစ်ချိန်ထဲမှာပင် ကောင်းဟိုင်သည် ကျားလီကျိကို ကားဖြင့် ပြန်ပို့လာသည်။ ချန်ပုချုံနှင့် ချန်ချန်းကျင်တို့သည် သူတို့နှစ်ယောက်ကို အတူတူသတ်ရန် ဆုံးဖြတ်လိုက်ကြသည်။ ကောင်းဟိုင်၏အလောင်းကို သူ့ကားပေါ်တွင် တင်သယ်သွားပြီး တစ်နေရာတွင် ဝှက်ထားမည်၊ ကောင်းဟိုင်ကို ထွက်မပြေးခင်တွင် အမျိုးသမီးနှစ်ဦးကို သတ်သွားသူ ဖြစ်စေရန် ပုံဖော်လိုက်မည်။
ယနေ့တွင် သူတို့ရိုက်ကူးရေးပြုလုပ်မည့် ဇာတ်ဝင်ခန်းတည်နေရာသည် ဗီလာ၏ပန်းခြံ၌ ဖြစ်၏။ ထိုနေရာတွင် ရှရှင်းချန်၏ ချန်ချန်းကျင်နှင့် ကျိုးထျန်းကျယ်၏ ကောင်းဟိုင်တို့ လုံးထွေးသတ်ပုတ်ကြရမည်။
ထိုဇာတ်ဝင်ခန်း ရိုက်ကူးရေးကို ညဘက်တွင် ပြုလုပ်မည်။
ထိုတစ်နေ့ နေ့လည်ခင်းက သန့်စင်ခန်းတွင် ရှရှင်းချန်နှင့် ကျိုးထျန်းကျယ် စကားအခြေအတင်ပြောပြီးနောက် သူတို့နှစ်ယောက် နှစ်ယောက်ထဲထပ်မဆုံဖြစ်ကြတော့ပေ။
ရှရှင်းချန်သည် အနည်းငယ် စိတ်သက်တောင့်သက်သာ မရှိပေ။ ကျိုးထျန်းကျယ်နှင့် ကတောက်ကဆ ကြောင့်သာမက သူနှင့်ယွမ်ချီအန်၏ မကောင်း သော ကောလဟာလများကြောင့်လည်း ဖြစ်သည်။
YOU ARE READING
The Star Around The Sun (Burmese Translation)
RomanceDescription : MC is a normal actor in the entertainment industry and ML is a very famous actor. They met on the set of a BL film which is directed by a well-known director. And .. what will happen ? Read the story if you wanna know. ;) It's my very...
