Unicode
ဟွမ်းကျီရှင်းက အင်တာနက်မှ သူတွေ့ထားသော မှတ်တမ်းရုပ်ရုပ်တစ်ကားအား ရှရှင်းချန်ကို ပြလာသည်။ ထိုမှတ်တမ်းရုပ်ရှင်သည် ဟေးကျန်း၏ ရုပ်ရှင်ရိုက်ကူးခြင်းလုပ်ငန်းစဉ်အား ရုပ်သံရိုက်ကူးထားခြင်း ဖြစ်၏။
ရှရှင်းချန်သည် ရုပ်ရှင်အား ကွန်ပျူတာရှေ့တွင် ထိုင်ကြည့်နေရင်းဖြင့် ချွေးပြန်လာရတော့သည်။
ဟေးကျန်းတွင် သူ၏ရုပ်ရှင်များ၊ သရုပ်ဆောင်များနှင့် ပတ်သက်၍ ထူးကဲတင်းကြပ်သော တောင်းဆိုမှုများ ရှိလေသည်။ တစ်စုံတစ်ယောက်၏ သရုပ်ဆောင်မှုကို သူသဘောမတွေ့လျှင် သူ့ စိတ်တိုင်းကျဖြစ်ရန်အတွက် ထိုသူအား စိတ်နှလုံး ချုံးချုံးကျသည်အထိ သရုပ်ဆောင်ခိုင်းဖို့ရန်အတွက် ဝန်လေးတွန့်ဆုတ်နေမည်မဟုတ်။
ရှရှင်းချန်အား စိတ်အညစ်စေဆုံးအချက်က ဟေးကျန်းသည် မှားသည့်နေရာကိုသာ ထောက်ပြပြီး မှန်သည့်အရာအား မပြောသည့် အချက် ဖြစ်၏။ မှတ်တမ်းရုပ်ရှင်မှ မင်းသမီးသည် ရိုက်ကွက်တစ်ခုအား ဆယ်ကြိမ်အထက် ဆက်တိုက်ပင် မှားနေခဲ့သည်။ သူမ၏ ချွေးများကြောင့် မိတ်ကပ်များပင် ပျက်နေပြီဖြစ်၏။
ရှရှင်းချန်သည် ဟေးကျန်း၏ ရိုက်ကွင်းတွင် သူကြုံတွေ့လာရနိုင်သည့် ဖိအားများအား တွေးမကြည့်ရဲတော့။ သူ သက်ပြင်းရှည်တစ်ချက်ကိုသာ ချဖြစ်သည်။ ထိုမှတ်တမ်းရုပ်ရှင်အား နာရီဝက်လောက် ဆက်ကြည့်နေပြီးနောက် ပိတ်ပစ်လိုက်ကာ weibo ကို ဝင်ကြည့်လိုက်သည်။
ရှရှင်းချန်၏ weibo သည် ထုံးစံအတိုင်း messages များ၊ noti များဖြင့် ပြည့်လို့နေသည်။ သူ့တွင် ထို မှတ်ချက်များ၊ messages များအား ဖတ်ဖို့ရာ အချိန်မရှိ။ ဟေးကျန်း၏ အကောင့်ကိုသာ ရှာကြည့်လိုက်သည်။ သို့ပေမယ့် အကောင့်တစ်ခုက ဟေးကျန်း၏ ရုပ်ရှင်အသစ်တွင် ရှရှင်းချန် ပါဝင်သရုပ်ဆာင်မည့်အကြောင်း ဖော်ပြထားသည်ကို သူတွေ့လိုက်ရသည်။ ထိုကိစ္စအား ရှရှင်းချန်၏ ပရိသတ်များသာမက တခြားလူများကပါ မယုံကြည်ကြောင်း မှတ်ချက်အမြောက်အမြား ပေးထားကြပါ၏။
ရှရှင်းချန်သည် တစ်ယောက်ယောက်မှ ဟေးကျန်း၏ ရုပ်ရှင်အသစ်အကြောင်း သတင်းပေါက်ကြားစေသည်လားဟု သိချင်စိတ်ဖြင့် ထိုပို့စ်အား အစအဆုံးဖတ်ကြည့်လိုက်သည်။ သို့သော် ရန်ရို့မင်နှင့် ပတ်သက်၍ မည်သည့်အရာမှ ဖော်ပြမထားပေ။
YOU ARE READING
The Star Around The Sun (Burmese Translation)
Roman d'amourDescription : MC is a normal actor in the entertainment industry and ML is a very famous actor. They met on the set of a BL film which is directed by a well-known director. And .. what will happen ? Read the story if you wanna know. ;) It's my very...
