Unicode
သူတို့ ဗီလာဝန်းထံသို့ လမ်းလျှောက်၍သာ ပြန်ခဲ့ကြ၏။ ဝင်ပေါက်ဂိတ်သို့ ရောက်သည့်အခါ ရှရှင်းချန်က လုံခြုံရေးရုံးခန်းငယ်ရှိရာသို့ သွား၍ မှန်ပြတင်းကို ခေါက်လိုက်သည်။
ဂျူတီကျနေသည့် လုံခြုံရေးအစောင့်သည် ပြတင်းပေါက်ကို ဖွင့်ရင်း စကားဆိုပါ၏။
"ပြန်လာပြီလား"
ထို့နောက် သူက ဂိတ်တံခါး အလိုအလျောက် ပွင့်လာစေရန် ခလုတ်နှိပ်လိုက်သည်။
လုံခြုံရေးရုံးခန်းငယ်အတွင်းရှိ တီဗွီတွင် နွေဦးပွဲတော်အခမ်းအနား၏ သန်းခေါင်ယံအစီအစဉ်များကို ထုတ်လွှင့်ပြသနေ၏။ ရှရှင်းချန်နှင့် ရန်ရို့မင်တို့ ဝင်ပေါက်ကို ဖြတ်လာပြီးနောက်၊ အစောင့်က မှန်ပြတင်းကို ပြန်မပိတ်လိုက်ခင်တွင် တီဗွီမှ နံပါတ်စဉ်ရေတွက်မှုအသံများ စတင်ပျံ့လွင့်လာသည်ကို ကြားလိုက်ရသည် : 'တစ်ဆယ်!' ။
မှန်ပြတင်းကို ပြန်ပိတ်လိုက်ပြီးနောက်တွင် ရှရှင်းချန် သည် လက်နှစ်ဖက်ကို အနွေးအင်္ကျီ၏ အိတ်တစ်ဖက်စီအတွင်းသို့ ထည့်လိုက်ကာ လမ်းလျှောက်နေရင်းမှ ဆက်လက်ရေတွက်နေပါ၏။
"ကိုး၊ ရှစ်၊ ခွန် ၊ .. .."
'တစ်' အထိရောက်အောင် ရေတွက်ပြီးသည့် နောက်ဆုံးတွင် ညဆယ့်နှစ်နာရီ တီးပြီ ဖြစ်၏။ မြို့ထဲတွင် မီးရှူးမီးပန်းများ လွှတ်တင်ခြင်းနှင့် ဗျောက်အိုးဖောက်ခြင်းကို တားမြစ်ထားသော်လည်း လေထုသည် နှစ်ဟောင်းမှ နှစ်သစ်သို့ ကူးပြောင်းသွားသည်ကို သက်သေပြနေသကဲ့သို့ပင် အနည်းငယ် သစ်လွင်လတ်ဆတ်နေသယောင်ယောင်။
ရှရှင်းချန် ခြေလှမ်းများကို ရပ်တန့်ကာ ရန်ရို့မင်ကို လှည့်ကြည့်လိုက်ပြီး ပြောလိုက်သည်။
"Happy New Year!"
ရန်ရို့မင်သည်လည်း ရပ်လိုက်ကာ နူးနူးညံ့ညံ့ပင် စကားဆိုသည်။
"ကိုယ်တို့ နှစ်ဟောင်းရဲ့ နောက်ဆုံးစက္ကန့်မှာရော၊
နှစ်သစ်ရဲ့ ပထမဆုံးစက္ကန့်မှာပါ အတူရှိနေကြတယ်"
ရှရှင်းချန် သူ့ကိုပြောခဲ့သည်ကို သူမှတ်မိနေဆဲပင် ဖြစ်ပါ၏။
YOU ARE READING
The Star Around The Sun (Burmese Translation)
RomanceDescription : MC is a normal actor in the entertainment industry and ML is a very famous actor. They met on the set of a BL film which is directed by a well-known director. And .. what will happen ? Read the story if you wanna know. ;) It's my very...
