Unicode
သန့်စင်ခန်းအပြင်ဘက်ရှိ စင်္ကြံသည် သိပ်မလုံခြုံ။ သူတို့ ထိုနေရာတွင် မတ်တပ်ရပ်၍ စကားပြောနေကြလျှင် တစ်ယောက်ယောက်ဝင်လာသည့်အခါ သူတို့နှစ်ယောက်ကို မြင်သွားမည်မှာ သေချာ၏။
ရှရှင်းချန် ယွမ်ချီအန်ကို ငေးကြည့်နေမိပြီး သူမ၏ မေးခွန်းကို ပြန်မဖြေလိုက်။
ယွမ်ချီအန်က ရယ်လိုက်ရင်း ပြောပြန်သည်။
"နှစ်ကူးမှာ မင်းရဲ့အိမ်ကို သူလိုက်သွားတဲ့အကြောင်း ငါကြားထားလို့"
ရှရှင်းချန်သည် ယောက်ယက်ခတ်နေသည့် သူ့ခံစားချက်တို့ကို ထိန်းချုပ်လိုက်ရင်း ယွမ်ချီအန်ကို မေးလာသည်။
"တစ်နေရာရာ သွားပြီး စကားပြောလို့ အဆင်ပြေမလား"
ယွမ်ချီအန် ခေါင်းညိတ်လာ၏။
"ရတာပေါ့"
သူတို့နှစ်ယောက် သီးသန့်ခန်းအတွင်းမှ ထွက်လာလိုက်ကြသည်။ ထိုဂျပန်စားသောက်ဆိုင်အတွင်းမှ သူတို့နှစ်ယောက် ရှေ့ဆင့်နောက်ဆင့် ထွက်လာကြသည်ကိုလည်း တစ်ဦးတစ်ယောက်ကမှ သတိမထားမိကြပေ။ ထိုအခိုက်တွင် ယွမ်ချီအန်က တစ်ယောက်ယောက်ထံ ဖုန်းခေါ်ကာ သူမ၏ ဗင်ကားသော့ကို သူမထံ လာပေးခိုင်းသည်။ ထို့နောက်တွင်တော့ သူမနှင့် ရှရှင်းချန်တို့ ကားထဲသို့ ဝင်ထိုင်လိုက်ကြသည်။
ရှရှင်းချန်က ဟွမ်းကျီရှင်းထံသို့ သူ ယွမ်ချီအန်နှင့် စကားပြောရန် အပြင်ရောက်နေသည့်အကြောင်းကို မက်ဆေ့ဂ်ျ ပို့လိုက်ပါ၏။
ကားမှန်ပြတင်းများကို မှန်အမည်းတပ်ထားခြင်း ဖြစ်ရာ အပြင်ဘက်မှလူများသည် ကားအတွင်းထဲသို့ ရှင်းရှင်းလင်းလင်း မမြင်ရ။ ကားထဲတွင် သူတို့နှစ်ယောက်ထဲသာ ရှိနေသည်။
ယွမ်ချီအန်က ပြောလာ၏။
"ငါ ဟိုတစ်ခေါက်တုန်းက စိတ်ထဲမှာ ထူးဆန်းနေတာ.. ရန်ရို့မင်က တစ်ယောက်ယောက်ကို အိမ်သော့ကုတ်နံပါတ် လက်လွတ်စပယ် ပြောပြပြီး သူ အိမ်မှာမရှိတဲ့အချိန် ရောက်လာခွင့်ပြုတယ် ဆိုတာကိုလေ"
ရှရှင်းချန်သည် ယွမ်ချီအန်၏ ဘေးဘက်ခြမ်း တစ်ခုံအကျော်တွင် ထိုင်နေခြင်း ဖြစ်၏။ သူ ဂရုထားနေသည့် ကိစ္စတစ်ခုကို မေးလိုက်တော့သည်။
YOU ARE READING
The Star Around The Sun (Burmese Translation)
Roman d'amourDescription : MC is a normal actor in the entertainment industry and ML is a very famous actor. They met on the set of a BL film which is directed by a well-known director. And .. what will happen ? Read the story if you wanna know. ;) It's my very...
