Unicode
ဆေးရုံရှိ သန့်စင်ခန်းများသည် အိုဟောင်းကာမှောင်မိုက်နေသည်။ သန့်စင်ခန်းများအား ကျဉ်းမြောင်းသည့် အကန့်ငယ်များဖြင့် ပိုင်းခြားထားပြီး သန့်ရှင်းရေးသမားက ပိုးသတ်ဆေးရည်ဖြင့် သန့်ရှင်းရေးပြုလုပ်ထားသော်လည်း ၎င်းသည် သင့်တင့်လျောက်ပတ်သည့် နေရာတစ်ခု မဟုတ်။ အရိုင််းဆန်သည့် စိတ်ကူးများအတွင်း နစ်ဝင်၍ တစ်စုံတစ်ခုဖြစ်ပျက်ရန်အတွက် သင့်တော်သည့်နေရာတစ်ခုလည်းမဟုတ်။ သို့သော် ယင်းအချိန်တွင် ယွီဟိုင်ရန်နှင့် ဖန်ကျင့်ယွမ်တို့ လိုအပ်သည်မှာ အထူးသီးသန့် ပတ်ဝန်းကျင်တစ်ခုမဟုတ်၊ အခြားလူများ ဝင်ရောက်လာမည်ကို ပူပန်စရာမလိုဘဲ သူတို့နှစ်ယောက်ထဲ အတူရှိနေနိုင်မည့် နေရာတစ်ခုသာ ဖြစ်၏။
အတည်ရိုက်ကူးမှုမစမီ ရှရှင်းချန်သည် သစ်သားတံခါးကို မှီထားကာ ရန်ရို့မင်က သူအရှေ့တွင် ရပ်နေခဲ့သည်။ ကင်မရာသည် သူတို့နှစ်ဦးနှင့် အလွန်နီးကပ်နေပြီး ရှရှင်းချန်၏ ဘယ်ဘက်တွင် ရှိနေခဲ့သည်။
ထိုကဲ့သို့သော အနီးကပ်ရိုက်ချက်သည် အကန့်ငယ်၏ လက်ဝဲဘေးဘက်တွင် နံရံအစစ်တစ်ခု အမှန်တကယ်ရှိနေသကဲ့သို့ ကျဉ်းကြပ်သော ဘေးပတ်ဝန်းကျင်၏ ဖိအားကို ခံစားရစေသည်။
ရှရှင်းချန်သည် ရန်ရို့မင်၏ မျက်ဝန်းများသို့ မမှိတ်မသုန် ကြည့်လိုက်ကာ သူ့ဇာတ်ကောင်၏
စိတ်ခံစားချက်မျိုး ရရှိရန် ကြိုးစားနေပါ၏။
ဦးခေါင်းအား အနည်းငယ် နှိမ့်ချလိုက်ကာ
ရန်ရို့မင်သည် ရှရှင်းချန်ကို ငုံ့ကြည့်လာပြီး
လက်ကိုဆန့်ထုတ်လျက် ရှရှင်းချန်၏ မျက်နှာနှင့် နားရွက်များကို ဖြည်းဖြည်းညင်သာစွာ ပွတ်သပ်လာသည်။ သူတို့နှစ်ဦးကြားအကွာအဝေးမှာ တစ်ဦးနှင့်တစ်ဦး၏ အသက်ရှူသံတို့အား ခံစားသိနိုင်သည်အထိ နီးကပ်နေပါ၏။
ရှရှင်းချန်သည် အနည်းငယ်တုန်ယင်နေကာ
ထိုတုန်လှုပ်မှုသည် သူ့ကို ဇာတ်ကောင်ကာရိုက်တာ အတွင်း အပြည့်အဝ ဝင်ရောက်နိုင်ရန် အနည်းငယ်ခန့် ခက်ခဲနေစေသည်။ သူသည် ဤပြင်းပြင်းပြပြချစ်ဆိပ်တက်ကြသည့် ဇာတ်ဝင်ခန်းတွင် သူကိုယ်တိုင် အမှန်တကယ် နစ်မျောသွားမည်ကို ကြောက်လန့်နေပြီး သူ့ ခံစားချက်များကို လူတိုင်းကြည့်ရှုရန်အတွက် ကင်မရာဖြင့် အမိအရ ရိုက်ကူးခြင်း မပြုစေလိုပေ။
YOU ARE READING
The Star Around The Sun (Burmese Translation)
RomanceDescription : MC is a normal actor in the entertainment industry and ML is a very famous actor. They met on the set of a BL film which is directed by a well-known director. And .. what will happen ? Read the story if you wanna know. ;) It's my very...
