Unicode
အမှန်တကယ်မှာမူ ရမ်ကျင်းယွမ် တံခါးဖွင့်လိုက်ချိန်တွင် ရှရှင်းချန်သည် ရန်ရို့မင်၏ပေါင်ပေါ်တွင် ထိုင်နေရင်းက ရန်ရို့မင်ကို ခပ်ဖွဖွနမ်းနေခြင်းသာ ဖြစ်၏။ တံခါးဖွင့်သံကို ကြားသည်တွင် သူ ထလိုက်ချင်သော်လည်း ရုတ်တရက်ပင် ရန်ရို့မင်က သူ့ခါးကို တင်းတင်းဆုပ်ကိုင်လိုက်ကာ သူတို့၏အနမ်းအား တစ်ဆင့်တက်၍ ပြင်းပြင်းပြပြ နမ်းရှိုက်လာသည်။ ရန်ရို့မင် ယင်းသို့ပြုလာလိမ့်မည်ဟု သူ မမျှော်လင့်ထားပေ။
အနမ်းတို့ပြီးဆုံးသွားသည်နှင့် ရှရှင်းချန် ထလိုက်ကာ ရန်ရို့မင်ဘေးနားတွင် ပြန်ထိုင်လိုက်သည်။ ရှရှင်းချန်၏ မျက်နှာသည် နီမြန်းနေပါ၏။ သူ ပြောလိုက်သည်။
"မင်ကော တမင်လုပ်လိုက်တာမလား"
ယခုအချိန်တွင်မူ ရန်ရို့မင် စိတ်ကြည်သွားသည့်ဟန် ရှိနေ၏။ ဝက်ပေါင်သားတစ်ပြားကို တူဖြင့် လှမ်းယူကာ ရှရှင်းချန်၏ပန်းကန်လုံးတွင်းသို့ ထည့်ပေးသည်။
"မင်း ကိုယ့်ကို အဲ့လိုလုပ်လိုက်စေချင်နေတာ မဟုတ်လို့လား"
ရှရှင်းချန် နားဝေတိမ်တောင် ဖြစ်သွားရ၏။
"ကျွန်တော် ဘယ်တုန်းက ပြောလို့လဲ"
ရန်ရို့မင် ပြောပါသည်။
"ကိုယ် သူ့ကို ရှင်းရှင်းလင်းလင်း ပြောစေချင်တယ်ဆို၊ အဲ့ဒါမှ သူ မင်းကို အဲ့ဒီ့အကြည့်တွေနဲ့ နောက်ထပ် ကြည့်မလာတော့မှာဆို ၊ ကိုယ် သူ့ကို သိပ်ကိုရှင်းရှင်းလင်းလင်းပြောလိုက်ပြီ..ပြီးတော့ သူ့မျက်လုံးတွေနဲ့လည်း မြင်သွားပြီ.. အခု မင်း ကျေနပ်ပြီလား"
ရှရှင်းချန် ခေါင်းငုံ့လိုက်ကာ ဝက်သားပြားကို တူဖြင့် ညှပ်ယူပြီးနောက် ပါးစပ်ထဲထည့်လိုက်၏။
"အဲ့လို ထင်တာပဲ"
ရှရှင်းချန်၏လေသံတွင် ရွှင်မြူးရိပ်တို့အနည်းငယ် ထင်ဟပ်နေကာ သူ့မျက်ဝန်းထောင့်စွန်းများ ကွေးကျသွားသည်အထိ ပြုံးနေလေသည်။
——
နောက်တစ်နေ့ နံနက်တွင် လင်းကျားယွဲ့၏မိခင်ဖြစ်သူ ရမ်ခယ့်ထင်သည် လေယာဉ်ဖြင့် လိုက်လာပါ၏။
YOU ARE READING
The Star Around The Sun (Burmese Translation)
RomanceDescription : MC is a normal actor in the entertainment industry and ML is a very famous actor. They met on the set of a BL film which is directed by a well-known director. And .. what will happen ? Read the story if you wanna know. ;) It's my very...
