Unicode
ဖန်ရင်းက လေသာဆောင်မှ တံမြက်စည်းကို သွားယူကာ ကြမ်းပြင်ပေါ်ရှိ ဖန်ကွဲစများအား လှည်းကျင်းရှင်းလင်းနေ၏။
စိတ်မကြည်သည့် ရှယီသည် ဆိုဖာပေါ်တွင် တိတ်တိတ်ဆိတ်ဆိတ်ထိုင်ကာ ဆေးလိပ်သောက်နေလေသည်။ ရန်ရို့မင်က သူနှင့် ထောင့်ဖြတ်အနေအထား မျက်နှာချင်းဆိုင် ထိုင်နေပါ၏။ သူ၏ အထိုးခံထားရသောမျက်နှာသည်တော့ ပို၍ပို၍ ဖူးရောင်လာသည်။
ရန်ရို့မင်၏ထိခိုက်ဒဏ်ရာကို ရှရှင်းချန် စိုးရိမ်ပူပန်မှုတို့ဖြင့် အထိတ်တလန့်ငေးကြည့်နေ၏။ ထို့နောက် သူ ရှယီရှိရာဘက်သို့ လှည့်ကြည့်လိုက်သည်။ သူ့အကြည့်တို့တွင် ဝမ်းနည်းမှုတို့အပြင် ဒေါသလည်း ရောယှက်နေပါ၏။ ရှယီ၏ စီးကရက်ကိုင်ထားသည့် လက်သည် အနည်းငယ်တုန်ယင်နေသည်ကို သူတွေ့လိုက်ရသည်။ သူ့နှုတ်မှပွင့်အံကျလုဆဲဆဲ စကားများကို ရှရှင်းချန် မပြောနိုင်ပါတော့။
စီးကရက်မီးခိုးငွေ့များသည် ဧည့်ခန်းတစ်ဆောင်လုံးတွင် ပျံ့နှံ့နေကြကာ ဆေးလိပ်နံ့များဖြင့် ဖုံးလွှမ်းသွားတော့သည်။ အခန်းတွင်းလေထုသည် အေးစက်တင်းမာနေကာ သက်တောင့်သက်သာမရှိ အနေရခက်ခဲနေ၏။
ရုတ်တရက် ရှယီက ပြောလာသည်။
"ကျုပ်ညီလေးက ကျုပ်ထက် ဆယ်နှစ်ငယ်တယ်. . သူငယ်ငယ်က ကျုပ်တို့မိသားစုက မချမ်းသာပေမယ့် သူက တစ်မိသားစုလုံးရဲ့အချစ်တော်လေးပဲ၊ ကောင်းကောင်းမွန်မွန် ဂရုစိုက်ခံရပြီး ကြီးပြင်းလာတာ. . နောက်တော့ သူ့ အသက်ငယ်ငယ်လေးနဲ့ ဖျော်ဖြေရေးအသိုင်းအဝိုင်းထဲ ဝင်သွားခဲ့တယ်၊ ခင်ဗျားတို့ လောကက ရှုပ်ထွေးမှန်း ကျုပ် သိပါတယ်၊ ကျုပ်တို့က သူ့ကို အရမ်းနာမည်ကြီးပြီး အောင်မြင်လာအောင် ကြိုးစားဖို့လည်း မပြောခဲ့ဖူးဘူး. . ကျုပ်တို့ မျှော်လင့်တာက သူ အဆင်ပြေချောမွေ့ပြီး ပျော်ရွှင်တဲ့ဘဝမျိုး ရဖို့ပဲ"
ရန်ရို့မင် ပြောလိုက်ပါ၏။
"ကျွန်တော်လည်း သူ အဆင်ပြေချောမွေ့ပြီး ပျော်ရွှင်တဲ့ဘဝမျိုး ပိုင်ဆိုင်နိုင်ဖို့ မျှော်လင့်တာပါပဲ"
YOU ARE READING
The Star Around The Sun (Burmese Translation)
RomanceDescription : MC is a normal actor in the entertainment industry and ML is a very famous actor. They met on the set of a BL film which is directed by a well-known director. And .. what will happen ? Read the story if you wanna know. ;) It's my very...
