Unicode
သူ့ကို ဆန်းယောင် သယ်ယူလာကြောင်း ဟန်ပေါ်ဟန် သိနေသည်။ သူ့ အမြင်အာရုံတို့ မှုန်ဝါးနေကာ အရိုက်ခံထားရသည့် ဦးခေါင်းနောက်ပိုင်းနေရာမှ သွေးများ စိမ့်ထွက်လာသည်ကို မပီဝိုးတဝါး ခံစားလိုက်ရသည်။ ခေါင်းထက်မှ နာကျင်မှုနှင့် နှိုင်းယှဉ်လျှင် လက်ရှိအခြေအနေကို သူ ပို၍စိတ်ပူမိ၏။ ယင်းစိတ်သည် သူ့အသက်ရှူနှုန်းတို့ မြန်လာစေကာ သူ ဆန်းယောင်၏လက်မောင်းကို ဖမ်းဆုပ်ကိုင်ရန် မရည်ရွယ်ပါဘဲ အလိုလိုကြိုးပမ်းလိုက်မိ၏။ သို့သော်လည်း ယင်းသို့ပြုရန် သူ့တွင် ခွန်အားမရှိ။
ဆန်းယောင်က ဟန်ပေါ်ဟန်ကို ရှုမျန်၏အိပ်ယာထံ သယ်လာကာ ဟန်ပေါ်ဟန်၏ဦးခေါင်းရှိ ဒဏ်ရာအား စစ်ဆေးကြည့်ရှုသည်။ သူ ရှူမျန်ကို ပြောလိုက်၏။
"သွေးတိတ်အောင်လုပ်ဖို့ တစ်ခုခုသွားယူခဲ့"
ရှုမျန် ခြေတစ်လှမ်းတိုးလာသည်။
"ဦးလေး သူ့ကို ကယ်ချင်နေတုန်းပဲလား"
သူမ၏လေသံသည် နားမလည်နိုင်ခြင်းများဖြင့် အံ့အားသင့်မှုတို့ ပြည့်နှက်နေ၏။
ဆန်းယောင် ဟန်ပေါ်ဟန်၏ဦးခေါင်းရှိ ဒဏ်ရာကို ထိကိုင်ကြည့်လိုက်ပါ၏။ သွေးထွက်နေသော်လည်း ဆိုးဆိုးဝါးဝါး မဟုတ်သည်ကို တွေ့လိုက်ရာတွင် ဟန်ပေါ်ဟန်၏ မေးရိုးကို လက်ဖြင့်အုပ်ကိုင်ပြီး ခေါ်ကြည့်တော့သည်။
"ဟန်ပေါ်ဟန်..?"
ဟန်ပေါ်ဟန် ပြန်မထူးနိုင်ပေ။ သူ အလွန်ပင် မူးဝေနေကာ သူ့ မျက်နှာတစ်ပြင်လုံးသည် ချွေးအေးအေးတို့ဖြင့် ရွှဲနစ်နေပြီ ဖြစ်သည်။
ရှုမျန်က ပြောလာပြန်၏။
"သူ ဦးလေးကို ဖမ်းဆီးပြီး ထောင်ချလိုက်လိမ့်မယ်"
"နင် ဘာပြောနေလဲ ငါမသိဘူး.. ငါ ဥပဒေကို မချိုးဖောက်ထားဘူး"
ဆန်းယောင်၏လေသံမှာ တည်ငြိမ်နေဆဲပင်။
ရှုမျန်သည် အိပ်ယာထံ လျှောက်လာကာ ဟန်ပေါ်ဟန်ကို ခေါင်းငုံ့ကြည့်လိုက်ရင်း ဆိုသည်။
"သူ သက်သေ ရှာတွေ့ထားပြီးပြီ"
ဆန်းယောင်သည် သူ့လက်တစ်ဖက်ကို ရှုမျန်ထံ ဖျတ်ကနဲ ဆန့်ထုတ်လိုက်သည်။ သူမကို အင်္ကျီကော်လာမှနေ၍ ဆောင့်ဆွဲချင်၍ပင်။ သို့သော် ရှုမျန်၏ခန္ဓာကိုယ်ထက်တွင် ကျန်ရှိနေသည်တို့မှာ အောက်ခံအဝတ်များသာ ဖြစ်၏။ ဆန်းယောင် လက်ကိုပြန်ရုတ်ရင်း ပြောလိုက်သည်။
YOU ARE READING
The Star Around The Sun (Burmese Translation)
RomanceDescription : MC is a normal actor in the entertainment industry and ML is a very famous actor. They met on the set of a BL film which is directed by a well-known director. And .. what will happen ? Read the story if you wanna know. ;) It's my very...
