Unicode
ထိုတစ်နေ့လုံးတွင် ရှရှင်းချန်သည် ရုပ်ရှင်trailerကို ဖွင့်မကြည့်ရဲပေ။ ရုပ်ရှင်ပိုစတာကို သေချာကြည့်ရှုရန်ပင် အတော့်ကိုရှက်ရွံ့မိနေသေး၏။ ထိုပိုစတာသည် ပါးပြင်နှစ်ဖက်လုံးထက်တွင် မျက်ရည်များတသွင်သွင်ကျဆင်းနေသည့် ဖန်ကျင့်ယွမ်၏ မျက်နှာလေးကို ယွီဟိုင်ရန်က လက်နှစ်ဖက်လုံးဖြင့် အုပ်မိုးပင့်ကိုင်ထားသည့်ပုံဖြစ်၏ — သူတို့နှစ်ယောက်သည် ဝမ်းနည်းကြေကွဲမှုတို့ ပြည့်လျှံထင်ဟပ်နေသည့် အကြည့်များဖြင့် တစ်ယောက်ကိုတစ်ယောက် စိုက်ငေးကြည့်နေကြလေသည်။
အခြားသူများအတွက်တော့ ဤရုပ်ရှင်သည် ရုပ်ရှင်တစ်ကားထက်မပိုသော်လည်း ရှရှင်းချန်အတွက်မူ ဇာတ်ဝင်ခန်းတိုင်း၊ ဇာတ်ကွက်တစ်ကွက်ချင်းစီတိုင်းသည် သူနှင့်ရန်ရို့မင်တို့အကြားရှိ ချစ်ခြင်းမေတ္တာ၏ အစစ်အမှန်ခံစားချက်များပင် ဖြစ်သည်။
သူတို့၏ ချိုမြိန်တိုတောင်းလှစွာသော အားလပ်ရက်ကာလသည် ကုန်လွန်ပြီးဆုံးပြီ ဖြစ်၏။ ရှရှင်းချန် နှင့် ရန်ရို့မင်တို့ ပေကျင်းသို့အတူမပြန်ကြ၊ ရှေ့ဆင့်နောက်ဆင့် တစ်ရက်စီ လေယာဉ်ဖြင့် ပြန်လာကြလေသည်။
ရှရှင်းချန်၏ ခရီးစဉ်သတင်းကို ပရိသတ်များထံ အသိမပေးထားပေ။ သို့သော်လည်း လေဆိပ်တွင် မိန်းကလေးငယ် တော်တော်များများက သူ့ကို သတိထားမိကြကာ ရုတ်ရုတ်သဲသဲဖြင့် အသေးစားဆူညံမှုတစ်ရပ် ဖြစ်ပွားလေတော့၏။
'တဖြည်းဖြည်းကွာဝေးခြင်း' ကို ရိုက်ကူးနေချိန်မှစ၍
ရှရှင်းချန်၏ ကျော်ကြားထင်ရှားမှုသည် တဖြည်းဖြည်းမြင့်တက်လျက်ရှိနေကာ trailer အား ထုတ်လွှင့်ပြီးချိန်တွင်မူ လူသိများလာမှုသည် ရုတ်ချည်းပင် ပွင့်ထွက်ပေါက်ကွဲလုမတတ် တဟုန်ထိုး မြင့်တက်လာတော့သည်။
ငယ်ငယ်ရွယ်ရွယ် မိန်းကလေးအများစုသည် ရုပ်ရှင်ကို မကြည့်ရသေးသော်လည်း trailer တွင် တဒင်္ဂခန့်သာ ပြသထားသည့် ဇာတ်ဝင်ခန်းများ၊ ရန်ရို့မင်နှင့် ဟေးကျန်းတို့၏ အရှိန်အဝါများကြောင့် သူတို့တွင် ထိုရုပ်ရှင်အပေါ်၌ မျှော်လင့်ချက်ကြီးကြီးမားမား ရှိနေကာ အငယ်တန်းသရုပ်ဆောင်ဖြစ်သူ ရှရှင်းချန်ကိုလည်း စတင်၍ သေသေချာချာ အာရုံစိုက်လာကြ၏။
YOU ARE READING
The Star Around The Sun (Burmese Translation)
RomanceDescription : MC is a normal actor in the entertainment industry and ML is a very famous actor. They met on the set of a BL film which is directed by a well-known director. And .. what will happen ? Read the story if you wanna know. ;) It's my very...
