Unicode
ရုပ်ရှင်ဧကရာဇ် - ၂
ရှရှင်းချန် နိုးလာသည့်အခါတွင် နေရောင်ခြည်သည် လင်းချင်းတောက်ပနေပြီ ဖြစ်၏။ သူ အိပ်ယာထဲတွင် ခြေလက်များကိုဆန့်ထုတ်၍ အကြောဖြေလျှော့လိုက်ပါ၏။ သူ့ခန္ဓာကိုယ်မှ သက်တောင့်သက်သာဖြစ်သွားမှုကို နှစ်သက်ခံစားမိနေရင်း လိုက်ကာနှစ်ခုအကြားနေရာလွတ်ငယ်ကို ကြည့်မိလိုက်သည်။ နံနက်ခင်းအစောပိုင်း၏ တောက်တောက်ပပ အလင်းတန်းတစ်ဖြာသည် ယင်းနေရာလွတ်မှ တိုးဝှေ့ဝင်ရောက်လာကာ ၎င်းသည် ပူပြင်းလောင်မြိုက်သည့် နောက်ထပ်နွေနေ့တစ်နေ့ဖြစ်ကြောင်း အသိပေးနေသော်လည်း အခန်းအပူချိန်သည် အေးမြလျက် သက်တောင့်သက်သာ ရှိနေစေဆဲသာ။
ရန်ရို့မင် အိပ်ယာမှထသွားပြီ ဖြစ်၏။ အိပ်ယာ၏ ဘေးတစ်ဖက်ခြမ်းအား ရှရှင်းချန် ထိကိုင်ကြည့်လိုက်သည့်အခါ အိပ်ယာခင်းသည် အေးစက်နေလေပြီ။ သူ နိုးနေသည်မှာ အချိန်အတော်ကြာ ရှိနေလောက်ပြီး ဖြစ်မည်။
ရှရှင်းချန်၏လတ်တလော အလုပ်အချိန်ဇယားသည် အလွန်ကြပ်ကာ များပြားလှသည်ဖြစ်ရာ ရှရှင်းချန်တစ်ယောက် သူ့ပုံမှန်ရှိသည့်စွမ်းအင်ကဲ့သို့ တက်တက်ကြွကြွ ဖြစ်မနေ။ သူ အိပ်ယာထက် ထထိုင်လိုက်ပြီး သူ့မျက်နှာကို လက်ဖဝါးများဖြင့် တစ်ခဏခန့် အုပ်ကာလိုက်ပြီးနောက် စောင်တို့ကို ဖယ်မကာ အိပ်ယာမှ ထသွားတော့သည်။
သူ့ခန္ဓာကိုယ်က လုံးဝဗလာနတ္ထိ ရှင်းလင်းနေ၏။ ဤနောက်ပိုင်း၌ ရှရှင်းချန်သည် အိမ်တွင် ရှိနေသည့်အခါများတွင် အများအားဖြင့် ကိုယ်ပေါ်တွင် အဝတ်တစ်စမကပ်ဘဲ အိပ်လေ့ရှိသည်။ အိပ်နေစဉ်တွင် ရန်ရို့မင်ကို ဖက်ထားရသည်အား သူ နှစ်သက်ပြီး တစ်ဖက်အမျိုးသား၏ခန္ဓာကိုယ်က သူ့ခန္ဓာကိုယ်နှင့် ဖိကပ်ထိမိနေသည့် ခံစားချက်ကိုလည်း သူ ကြိုက်သဖြင့်ပင်။
ရှရှင်းချန် အဝတ်အစားဝတ်ပြီးနောက် အိပ်ခန်းတွင်းမှ ထွက်လာလိုက်သည်။ ထမင်းစားစားပွဲတွင် မျက်နှာချင်းဆိုင်ထိုင်လျက် နံနက်စာ စားနေကြသော ရန်ရို့မင်နှင့် တုန်တုန်ကို သူ တွေ့လိုက်ရပါ၏။
တုန်တုန်က သူ့ကို မြင်သည်နှင့် ခေါင်းထောင်ရင်း လှမ်းအော်ပြောသည်။
YOU ARE READING
The Star Around The Sun (Burmese Translation)
RomanceDescription : MC is a normal actor in the entertainment industry and ML is a very famous actor. They met on the set of a BL film which is directed by a well-known director. And .. what will happen ? Read the story if you wanna know. ;) It's my very...
