Unicode
ယွီဟိုင်ရန်သည် စတိုးဆိုင်ငယ်၏ မီးများအား ပိတ်လိုက်ပြီးနောက် သူ့နောက်လိုက်လာခဲ့တော့သည်။ ရှရှင်းချန်သည် သူကိုယ်တိုင်အား သူ့ဇာတ်ကောင်မှ ရုန်းထွက်နိုင်ရန် တစ်စတစ်စ ပို၍ခက်ခဲလာကြောင်း ခံစားမိနေပြီဖြစ်သည်။ တစ်ခါတစ်ရံတွင် သူ့ခန္ဓာကိုယ်အား ဖန်ကျင့်ယွမ်မှ အပြည့်အဝ သိမ်းပိုက်လိုက်သည်ဟုပင် ထင်မြင်လာရပြီ။
ဖန်ကျင့်ယွမ်သည် ယွီဟိုင်ရန်နှင့် အသက်ဆယ့်ရှစ်နှစ်အရွယ်တွင် တွေ့ဆုံခဲ့ရသည်။ ပထမဆုံးအကြိမ်အဖြစ် တစ်စုံတစ်ယောက်နှင့် ချစ်ကျွမ်းဝင်မိခြင်းဖြစ်ပြီး ချစ်မိနေရခြင်းသည် မည်သို့မည်ပုံဟူသော ခံစားချက်အားလည်း ပထမဆုံးသိရှိဖူးခြင်းလည်းဖြစ်သည်။ ယွီဟိုင်ရန် သူနှင့်အတူ ရှိမနေသည့် အချိန်များတွင်ပင် သူသည်
ယွီဟိုင်ရန်အကြောင်း အချိန်မရွေး၊ နေရာမရွေး စဉ်းစားနေမိကာ သတိမထားမိဘဲ ပြုံးနေမိတတ်သည်။
ရှရှင်းချန်သည် သူနှင့်ဖန်ကျင့်ယွမ်တို့ ထိုကဲ့သို့သော စိတ်ခံစားချက်များထံ အတူတကွ ကျရှုံးနေမိကြောင်းအား တဖြည်းဖြည်း သတိပြုမိလာရပြီ ဖြစ်၏။ ရံဖန်ရံခါများတွင် ရိုက်ကွင်း၌ သူ ဇာတ်ညွှန်းဖတ်သောအခါ 'ယွီဟိုင်ရန်' ဟူသော အမည်နာမကို တွေ့သည့်အခါတိုင်း သူ့ဘာသူပင် သတိမထားဖြစ်ဘဲ ပြုံးနေတတ်ပြီးနောက် ခေါင်းကို ဟိုလှည့်သည်လှည့်ဖြင့် ရန်ရို့မင်အား ရှာဖွေနေမိသည်။
ရန်ရို့မင်သည် အမြဲတစေတော့ ယွီဟိုင်ရန်နှင့် ဆင်တူမနေပေ။ ပြောရမည်ဆိုလျှင် ရန်ရို့မင် သူ့ကို ကြည့်ပုံသည် ယွီဟိုင်ရန်က ဖန်ကျင့်ယွမ်ကို ကြည့်ဟန်နှင့် မည်သည့်အခါကမှ တူညီမနေခဲ့။
ရှရှင်းချန်သည် သူ့ကိုယ်သူ ကြောက်မက်ဖွယ်ရာ အခြေအနေတစ်ခုထဲ ရောက်နေသည်ဟု ခံစားနေရသည်။
သို့သော်လည်း ရိုက်ကူးမှုသည် မမျှော်လင့်ဘဲ ချောချောမွေ့မွေ့ ပြီးသွားခဲ့ပြီ။ ဇာတ်ဝင်ခန်း ရိုက်ကူးပြီးသည့်အခါတွင် ဟေးကျန်းသည် မော်နီတာရှေ့တွင် ငေးငိုင်တွေဝေနေလျက် ထိုင်နေခဲ့သည်။
YOU ARE READING
The Star Around The Sun (Burmese Translation)
RomanceDescription : MC is a normal actor in the entertainment industry and ML is a very famous actor. They met on the set of a BL film which is directed by a well-known director. And .. what will happen ? Read the story if you wanna know. ;) It's my very...
