Unicode
ရန်ရို့မင်ကိုယ်တိုင် ရှရှင်းချန်အား အိမ်သော့ကုတ်နံပါတ် ပြောင်းပုံပြောင်းနည်းကို သင်ပေးပါ၏။
ရှရှင်းချန် ခဏငယ်ခန့် တုန့်ဆိုင်းနေပြီးနောက် နေ့စွဲတစ်ခုဖြစ်ဟန်ရှိသော နံပါတ်တွဲတစ်ခုကို ရိုက်ထည့်လိုက်သည်။ ရန်ရို့မင် တစ်ချက်ကြည့်လိုက်ရုံဖြင့်ပင် ရှရှင်းချန် မည်သည့်နေ့စွဲကို လျှို့ဝှက်နံပါတ်အဖြစ် ပြောင်းလိုက်ကြောင်းအား သိပါ၏။ ယင်းနေ့စွဲသည် မကြာသေးသောကာလက ရှရှင်းချန် သူရှိနေရာဟိုတယ်ခန်းသို့ ရောက်လာကာ ခံစားချက်များကို ဖွင့်ဟဝန်ခံသည့် ရက်အတိအကျပင် ဖြစ်သည်။
သော့ကုတ်နံပါတ်ကို ပြောင်းပြီးနောက် ရန်ရို့မင်သည် အိပ်ခန်းတွင်းရှိ ရေချိုးခန်းကျယ်သို့ ရေချိုးလိုက်ရန် ဝင်သွားသည်။ ရှရှင်းချန်က သူ့နောက်မှလိုက်လာကာ ရေချိုးခန်းကို တံခါးပိတ်ခွင့်မပြု။ သူ ရေချိုးနေစဉ်တွင် ရှရှင်းချန်က အိမ်သာကြွေအိုးအဖုံးပေါ်ထိုင်ကာ သွားတိုက်နေရင်း ဗလုံးဗထွေးဖြင့် မေးလာသည်။
"ကောမှာ အလုပ်ကိစ္စနဲ့ ပတ်သက်ပြီး စီစဉ်ထားတာတွေ ရှိသေးလား"
ရန်ရို့မင်သည် ကျယ်ပြန့်သော ရေချိုးကန်ထဲရှိ ရေပန်းအောက်တွင် မတ်တပ်ရပ်နေခြင်း ဖြစ်သည်။ ရေနွေးနွေးများက သူ့ခေါင်းထက်မှ စီးကျလာပါ၏။ မျက်နှာပေါ်ရှိ ရေများကို ဖယ်ပစ်ရန် ခေါင်းမော့ကာ ရေစိုဆံပင်များကို အနောက်သို့ သပ်တင်လိုက်ပြီး ပြန်ဖြေသည်။
"ကိုယ် ဖတ်ကြည့်နေတဲ့ ဇာတ်ညွှန်းတချို့တော့ ရှိတယ်.. ဒါပေမယ့် ဘာကိုမှ အချိန်ခဏလေးအတွင်း ဆုံးဖြတ်မှာ မဟုတ်သေးဘူး၊ နှစ်သစ်မရောက်ခင်အထိ ကိုယ့်မှာ ဘာအလုပ်မှမရှိဘူး"
ရှရှင်းချန် မတ်တပ်ထလာကာ သွားတိုက်ဆေးအမြှုပ်များကို ဘေစင်တွင်းသို့ ထွေးချလိုက်ပြီး သွားဆက်တိုက်နေရာမှ မေးလာပြန်၏။
"ကော ဘယ်မှ သွားစရာမရှိဘူးပေါ့ ..ဟုတ်လား"
ရန်ရို့မင်က သူ့ခန္ဓာကိုယ်ပေါ်ရှိ ချွေးများကို ရေနွေးဖြင့် ဆေးကြောသန့်စင်ပြီးနောက်တွင် ရေကို မြန်မြန်ပိတ်လိုက်သည်။ ပုဝါလှန်းသည့်တန်းပေါ်မှ မျက်နှာသုတ်ပုဝါတစ်ထည်ကို လက်လှမ်းယူလိုက်ပြီး ခန္ဓာကိုယ်နှင့် ဆံပင်တို့ကို သုတ်နေသည်။ ထို့နောက် ရှရှင်းချန်ကို ပြန်ဖြေပါ၏။
YOU ARE READING
The Star Around The Sun (Burmese Translation)
RomanceDescription : MC is a normal actor in the entertainment industry and ML is a very famous actor. They met on the set of a BL film which is directed by a well-known director. And .. what will happen ? Read the story if you wanna know. ;) It's my very...
