Unicode
ထိုနေ့ညတွင် ဆန်းယောင်သည် ဟန်ပေါ်ဟန်အား ကားရပ်ခဲ့သည့်နေရာအထိ တောက်လျှောက် လိုက်ပို့ခဲ့ပြီး ဟန်ပေါ်ဟန် ကားထဲဝင်သွားသည့်တိုင် မပြန်သေးဘဲ ရပ်ကြည့်နေခဲ့ပါ၏။
ဟန်ပေါ်ဟန် ကားကိုစက်နှိုးပြီး ထွက်လာလိုက်သည်တွင် ဆန်းယောင်သည် လမ်းဘေးနားတွင် မလှုပ်မယှက်ဖြင့် ကားဖြည်းဖြည်းချင်း မောင်းထွက်သွားသည်မှ ထောင့်ချိုးတစ်နေရာသို့ ချိုးကွေ့ပျောက်ကွယ်သွားသည်အထိကို ရပ်ကြည့်နေကြောင်းအား နောက်ကြည့်မှန်မှတစ်ဆင့် သူ မြင်နေရသည်။
လက်ရှိတွင် ဟန်ပေါ်ဟန်တစ်ယောက် ရှုမျန်သည် သံသယရှိသူဖြစ်ကြောင်း၊ သူမက ကိစ္စတစ်စုံတစ်ရာနှင့် ပတ်သက်ဆက်နွယ်နေသည်မှာ သေချာကြောင်း စသည့် အချက်နှစ်ရပ်လုံးကို ယုံကြည်လိုက်ရန် ဝန်လေးနေပါ၏။
ဟန်ပေါ်ဟန် ယင်းကိစ္စတို့ကို တိတိကျကျ သိချင်မိသည်။ သို့နှင့် သူ့အလုပ်အကိုင်ဖြစ်သော အစိုးရရှေ့နေရာထူးကိုသုံး၍ ရှုမျန်နှင့် ဆန်းရွှမ်ယံတို့၏ အတန်းဖော်များကို သီးသန့်မေးမြန်းခဲ့၏။ ဆန်းရွှမ်ယံနှင့် ကောင်းမွန်သည့် ဆက်ဆံရေးရှိသော ကျောင်းသူတစ်ဦးထံမှ ရှုမျန်နှင့်ဆန်းရွှမ်ယံသည် ခွဲမရနိုင်အောင် ရင်းနှီးသူများဖြစ်ကြောင်း သူ သိခဲ့ရသည်။ ရှုမျန်သည် ဆန်းရွှမ်ယံ၏အိမ်သို့ အပါတ်တိုင်းနီးပါးသွားကာ စနေ၊တနင်္ဂနွေရက်များတွင် အတူအပြင်ထွက်ကြသည်။ ကျောင်းတွင်လည်း အမြဲတပူးတွဲတွဲပင် ဖြစ်ပါ၏။ သို့သော်လည်း အမှန်တွင်မူ ဆန်းရွှမ်ယံသည် ရှုမျန်ကို နှစ်သက်ချစ်ခင်လွန်းခြင်းမရှိ၊ ရှုမျန်က ကဂျီကဂျောင်ကျလွန်းသဖြင့် သူမ စိတ်ရှုပ်မွန်းကြပ်ရကြောင်း တစ်ခါ ပြောပြဖူးသည်ဟု ထိုမိန်းကလေးကဆို၏။
ဟန်ပေါ်ဟန်က ဆန်းရွှမ်ယံ ရှုမျန်ကို တစ်ကြိမ်မှ မငြင်းပယ်ရသည့် အကြောင်းရင်းအား မေးလိုက်ရာ ဆန်းရွှမ်ယံတွင် ပျော့ညံ့သော စိတ်သဘောရှိကြောင်း၊ သူမသည် အခြားသူများကို အငြင်းစကားဆိုဖို့ရာ ကောင်းကောင်းမလုပ်နိုင်ကြောင်း ထိုမိန်းကလေးက ပြန်ဖြေသည်။ သူမအား ဆန်းရွှမ်ယံနှင့် ကောင်းယွီရှန်းတို့အကြောင်းကို မေးလိုက်ပြန်သေးရာ ထိုမိန်းကလေးက မသိပါကြောင်း၊ ဆန်းရွှမ်ယံက သူမကို မည်သည်မှမပြောပြကြောင်း ပြန်ဖြေသည်။ သို့သော် ဆန်းရွှမ်ယံသည် ကောင်းယွီရှန်းကြောင့် အဆောက်အဦးထက်မှ ခုန်ချဖို့ နေနေသာသာ သူ့ကို သဘောကျလိမ့်မည်ပင်မဟုတ်ကြောင်း သူမက ပွင့်ပွင့်လင်းလင်း ပြောလာ၏။
YOU ARE READING
The Star Around The Sun (Burmese Translation)
RomanceDescription : MC is a normal actor in the entertainment industry and ML is a very famous actor. They met on the set of a BL film which is directed by a well-known director. And .. what will happen ? Read the story if you wanna know. ;) It's my very...
