Unicode
ကျန်းဇီဟယ်သည် ရှရှင်းချန်အား ပြီးခဲ့သည့် ဓါတ်ပုံရိုက်ကူးရေးတွင် စိတ်ဝင်စားမိသဖြင့် လိုက်ရန်ကြိုးစားခဲ့ဖူးသည်။ ထိုအခြင်းအရာကို မည်သူတစ်ဦးတစ်ယောက်ကမှ အံ့ဩခြင်းမရှိခဲ့။ ကျန်းဇီဟယ်သည် ငယ်ရွယ်ချောမောသော မော်ဒယ်အမျိုးသားများ၊ ပွဲဦးထွက်ပြီးခါစ တက်သစ်စidolများ စသည့် ယောက်ျားလေးအများအပြားကို သဘောကျဖူးသည်။ တစ်ယောက်ယောက်ကို သူသဘောကျမိလျှင် သဘောကျနေကြောင်းကို သိသာစေလိမ့်မည်၊ ထိုသူက သူ့အား ငြင်းဆိုလျှင်မူ သူ လက်လျှော့မည်သာ ဖြစ်၏။ ထိုစဉ်က ရှရှင်းချန်သည် မယိမ်းယိုင်သေးသည့် ဆန့်ကျင်ဘက်လိင်နှစ်သက်သူတစ်ဦး ပင်ဖြစ်ရာ ကျန်းဇီဟယ်၏နှစ်သက်မှုကို မတုန့်ပြန်ခဲ့ပေ။ သူတို့နှစ်ယောက် အလုပ်လုပ်ရာတွင်လည်း ထိုကိစ္စကို ဘေးချိတ်ကာ အထူးတလည် အာရုံစိုက်ခြင်း မရှိခဲ့ကြ။
သို့သော်လည်း ကျန်းဇီဟယ်သည် ရန်ရို့မင်အပေါ် တစ်ခါလေးမှပင် ထိုကဲ့သို့သော နှစ်သက်မှုအရိပ်အယောင်မျိုး မပြုခဲ့။ သူ မလိုချင်၍မဟုတ်၊ မဝံ့ရဲသဖြင့်ပင်။ သူ အတူအိပ်ကြည့်ရန် ဆန္ဒရှိသည့် ဖျော်ဖြေရေးနယ်ပယ်ရှိ အမျိုးသားအနုပညာရှင်များကို အဆင့်သတ်မှတ်လျှင် ရန်ရို့မင်သည် ထိုစာရင်း၏ ထိပ်ဆုံးတွင် မသွေမလွဲ ရှိနေ၏။ သို့ဆိုတော့ရော? ရန်ရို့မင်၏နံဘေးတွင် ယွမ်ချီအန် ရှိနေသည်မှာ နှစ်အတော်ကြာနေပြီဖြစ်ကြောင်း လူတိုင်းအသိပင်။ ယခုလက်ရှိတွင်လည်း ယွမ်ချီအန်နှင့်
လမ်းခွဲလိုက်ပြီးဖြစ်စေကာမူ သူ့တွင် ရန်ရို့မင်နှင့်အတူအိပ်ရန် အခွင့်အရေးရလာမည်ဟု ကျန်းဇီဟယ် တစ်ခါလေးပင် မယုံကြည်ဖူးပေ။ အထင်မှား၊အတွေးမှားများသည် အမြဲတစေပင် မှားယွင်းနေသည့် အတွေးအထင်များသက်သက် ဖြစ်နေလိမ့်မည်။
ထို့ကြောင့် ရန်ရို့မင်ထံမှ ဓါတ်ပုံရိုက်ကူးရေးအကြောင်း ကြားလိုက်ပြီးနောက် ရှရှင်းချန်ကို တွေ့လိုက်ရသည့်အခိုက်တွင် ကျန်းဇီဟယ် ထူးထူးဆန်းဆန်းအတွေးတို့ပေါ်လာရကာ ရှရှင်းချန်၏အမည်ကို ထိတ်လန့်တကြား အော်ခေါ်မိသွားခြင်းပင်။ သို့သော် ထိုအတွေးကို ခပ်မြန်မြန်ပင် သူ ပယ်ချလိုက်၏။
YOU ARE READING
The Star Around The Sun (Burmese Translation)
RomanceDescription : MC is a normal actor in the entertainment industry and ML is a very famous actor. They met on the set of a BL film which is directed by a well-known director. And .. what will happen ? Read the story if you wanna know. ;) It's my very...
