Unicode
ရန်ရို့မင်သည် ရှရှင်းချန်ကို အကြာကြီး စိုက်ကြည့်နေရာမှ ပြောပါ၏။
"မဖြစ်ဘူး"
ရှရှင်းချန် အမှန်တကယ်ပင် လက်လျှော့လိုက်လေပြီ။
ယနေ့ညအတွက် သူဆင့်ခေါ်ထားသော သတ္တိတို့သည် ရန်ရို့မင်၏ 'မဖြစ်ဘူး' ဟူသော နောက်ဆုံးစကားအဆုံးတွင် တမဟုတ်ချင်း လွင့်ပါးပျောက်ကွယ်သွားတော့၏။ ရှရှင်းချန်သည် ရန်ရို့မင်၏လက်ကို ဆောင့်ရုန်းလိုက်ကာ ကျောခိုင်းထွက်လာခဲ့တော့သည်။
သို့သော် ရန်ရို့မင်က သူ့လက်မောင်းကို ထပ်မံဆုပ်ကိုင်လာကာ သူကို ဆွဲလှည့်လိုက်သည်။
"မင်းနဲ့ ချင်းရွှေးယွေက အရမ်းရင်းနှီးတယ်မလား.. မင်းက မိန်းကလေးတွေကို နှစ်သက်တာ သိသာနေတာပဲ .. ဒီလိုမျိုး အဓိပ္ပါယ်မရှိတဲ့ အားထုတ်မှုမျိုး လုပ်စရာမလိုဘူး"
ရှရှင်းချန် ရန်ရို့မင်ကို ပြန်ချေပချင်သော်လည်း သူ မောပန်းနေပြီ ဖြစ်၏။ သူ့လက်ထဲမှ ရုန်းထွက်ရန်သာ ထပ်မံကြိုးစားလိုက်ကာ တစ်ခွန်းသာ ပြောလိုက်သည်။
"ဘာကိစ္စ ဂရုစိုက်နေလဲ"
ရန်ရို့မင်သည် သူ့စံပြပုဂ္ဂိုလ်ဖြစ်သည့်အပြင် သူချစ်ခင်မြတ်နိုးရသည့် အမျိုးသားဖြစ်သည်။ သူ ရန်ရို့မင်ကို ထိုကဲ့သို့သော လေသံမျိုး ဘယ်သောအခါကမှ မသုံးခဲ့ဖူး။
"ရှင်းချန်"
ရန်ရို့မင်၏ သူ့လက်ကို ဆုပ်ကိုင်ထားမှုသည် ပို၍ပင် တင်းကြပ်လာသည်။
"ငါ့အတွက် မင်းရဲ့ခံစားချက်တွေကို မင်း တကယ်ရော နားလည်ရဲ့လား.. အဲ့ဒါတွေက အစစ်အမှန်မဟုတ်ဘူး.. မင်းနှလုံးသားထဲက ဖန်ကျင့်ယွမ်ကြောင့် ဖြစ်လာတဲ့
ထင်မှတ်မှားမှုတွေပဲ.. အစကတည်းက အဲ့ဒီ့ခံစားချက်တွေက ဘယ်တုန်းကမှ ငါတို့အတွက် မဟုတ်ခဲ့ဘူး .. ဖန်ကျင့်ယွမ်နဲ့ ယွီဟိုင်ရန်တို့ ပိုင်ဆိုင်တာတွေ.. မင်း ငါ့ဆီမှာ နှစ်သိမ့်မှုကိုရှာဖွေဖို့လိုအပ်ရတဲ့ တစ်ခုထဲသော အကြောင်းအရင်းက သူတို့နှစ်ယောက်က အဆုံးထိ ချစ်ခြင်းမေတ္တာနဲ့ ခရီးဆက်မလျှောက်နိုင်ခဲ့ကြလို့ပဲ!"
YOU ARE READING
The Star Around The Sun (Burmese Translation)
Roman d'amourDescription : MC is a normal actor in the entertainment industry and ML is a very famous actor. They met on the set of a BL film which is directed by a well-known director. And .. what will happen ? Read the story if you wanna know. ;) It's my very...
