Unicode
ရန်ရို့မင်၏ "တဖြည်းဖြည်းကွာဝေးခြင်း" - ၂
ရန်ရို့မင် ရှရှင်းချန်နှင့် စကားပြောပြီးသည့်နောက်ပိုင်းတွင် ရှရှင်းချန်တစ်ယောက် စိတ်အခြေအနေပိုကောင်းမွန်လာသည်အား သူ သတိထားမိလိုက်ပါ၏။
ထိုနေ့ နေ့လည်ပိုင်းရိုက်ကူးရေးတွင် ရှရှင်းချန်သည် ဖန်ကျင့်ယွမ်၏ ရှက်ရွံ့တတ်သော၊ ရည်မွန်ယဉ်ကျေးသည့် ပုံပန်းသွင်ပြင် တဖန်ပြန်လည်ဖြစ်တည်လာတော့သည်။ ရှရှင်းချန်က ပထမထပ်ရှိ အလင်းရောင်အားနည်းသည့် ကုန်စည်သိုလှောင်ခန်းတွင် ကုန်ပစ္စည်းအမျိုးအစားများကိုခွဲခြားကာ နေရာတကျထားသိုနေပါ၏။ သူ့ဆံစများမှစ၍ ပါးပြင်များ၊ လည်တိုင်များမှတစ်လျှောက် ချွေးစက်များစီးကျလာသဖြင့် အဝတ်အစားတို့တွင် ချွေးများရွှဲနစ်နေလေသည်။ ပြုတ်ကျသွားသည့် သကြားထုပ်ကို စင်ပေါ်ပြန်တင်ရန် သူ ခြေဖျားထောက်ရပ်လိုက်ပြီး လက်လှမ်းမြှောက်လိုက်သည်တွင် သူ့ရှပ်အင်္ကျီအောက်ခြေစသည် အပေါ်မြင့်တက်သွားကာ ခါးသွယ်သွယ်ကို လှစ်ပေါ်သွားစေ၏။ သူ့ ခန္ဓာကိုယ်ရှိ ချွေးစက်တို့သည် အလင်းမှိန်မှိန်အောက်တွင် ဖြုနုပျော့ပျောင်းသည့် အသားအရည်အား အရည်လဲ့တောက်ပနေစေတော့ကာ အတန်ငယ်လျော့ရဲနေသောဘောင်းဘီခါးစည်းကြိုးကြောင့် အနည်းငယ်လှစ်ပေါ်နေသည့် ထင်ရှားသိသာစွာ မို့မောက်နေသော တင်ပါးစိုင်များကို မီးမောင်းထိုးပြနေသကဲ့သို့ပင်။
ရန်ရို့မင် သူ့ထံလျှောက်လာလိုက်ပြီး လက်ထဲမှသကြားထုပ်ကိုဆွဲယူပြီး စင်ပေါ်ပြန်တင်ပေးလိုက်၏။ နီးနီးကပ်ကပ်ရပ်နေရသောကြောင့် ရှရှင်းချန်၏ ဆံစတို့ထံမှ ခေါင်းလျှော်ရှန်ပူနံ့နှင့် ချွေးနံ့တို့ရောနှောနေသည့် အနံ့ကိုပင် သူရနေသည်။
ရန်ရို့မင် ထိုဇာတ်ဝင်ခန်းအတွက် လိုအပ်သည့် ဒိုင်ယာလော့ဂ်များနှင့် သရုပ်ဆောင်မှုများအား ပြောဆိုပြုလုပ်လိုက်၏။ ရှရှင်းချန်၏အကြည့်တို့သည် အစမှအဆုံးတိုင် သူ့ထံတွင် မြဲမြံတွယ်ငြိနေ၏။ သို့သော် ရှရှင်းချန်ထံ သူပြန်ကြည့်လိုက်သည့်အခါ ချက်ချင်းပင် အကြည့်လွှဲဖယ်သွားသည်။ ချွေးသီးချွေးပေါက်တို့သည် ရှရှင်းချန်၏ နားထင်ဘေးစပ်မှတစ်ဆင့် မေးရိုးတောက်လျှောက် စီးကျလာကာ အင်္ကျီစထံတွင် စိမ့်ဝင်ပျောက်ကွယ်သွားတော့သည်။
YOU ARE READING
The Star Around The Sun (Burmese Translation)
RomanceDescription : MC is a normal actor in the entertainment industry and ML is a very famous actor. They met on the set of a BL film which is directed by a well-known director. And .. what will happen ? Read the story if you wanna know. ;) It's my very...
