အနောက်မြောက်အရပ်မှပန်းလေးတစ်ပွင့်နှင့်သူ၏အသည်းရတနာမွေးစားသား

{၉}

လန်လန်မှတ်စု - အောက်မှာထည့်ရင် မမြင်တတ်ကြလို့ အပေါ်မှာ ထည့်ပေးလိုက်ပါတယ်။ လန် ယူနီကုဒ်အတွက် တစ်အုပ်၊ ‌ဇော်ဂျီအတွက် တစ်အုပ်ပဲ ခွဲပေးလိုက်တော့‌မယ်နော်။ လန့် အနေနဲ့ ဘာသာပြန်ပြီးသွားရင်တောင် ဇော်ဂျီပြောင်းလို့ရတဲ့ (အဆင်ပြေတဲ့) ဖုန်းကို ပြန်ယူဦး၊ ဖွင့်ဦး၊ အဲ့ဘက်ကနေ အကောင့်ထဲ ဝင်ဦး၊ ထည့်ဦးနဲ့ တော်တော် နဲ့ မတင်ဖြစ်သွားတာမျိုးတွေ ဖြစ်တတ်နေလို့ပါ။

မြန်မြန်လေးပဲ ယူနီကုဒ်ချည်း ပြန်တင်ပေးပြီး၊ ဇော်ဂျီသပ်သပ်ခွဲလိုက်ပါ့မယ်နော်။ 

---------------------------------------------------------------------------

အခန်း {၉}

သတ်ဖြတ်လိုစိတ်

ထိုအချိန်တွင် ရင်းနှီးကျွမ်းဝင်နေသည့် ငိုကျွေးအော်ဟစ်သံတစ်သံက ချန်ကန်း၏ နားထဲသို့စူးရှစွာဝင်လာသည်။ ချန်ကန်းလှည့်ကြည့်လိုက်သောအခါ သားသတ်သမား၏ ဦးခေါင်းနှင့် ဝက်ခေါင်းကို သံတန်းပေါ်တွင် ချိတ်ဆွဲထားသည်ကို တွေ့လိုက်ရသည်။ ထိုသူ၏ ဝဝပြည့်ပြည့်ဇနီးသည်မှာလည်း မျက်နှာတစ်ပြင်းလုံး စိမ်းပုပ်နေပြီး ပြိုကျနေသောနံရံ၏အောက်တွင် ပိပြားကာ အသက်မရှိတော့ပေ ။ သူတို့အိမ်မှ ဝဝတုတ်တုတ်ကလေးငယ်၏ ပြတ်တောင်းပြတ်တောင်းငိုသံများက မဝေးမနီးမှတောက်လျောက် ပျံ့လွင့်လျက်ရှိရာ ချန်ကန်း အံ့အားသင့်လျက် တခြားဘာကိုမှ မတွေးနိုင်ဘဲ ဆိုလိုက်သည်။

" အဲ့ဒါက သားသတ်သမားအိမ်က ကောဖန့်ရှောင်..ထင်တယ်... "

ရှန်ယိ၏ ခြေလှမ်းများသည် မရပ်တန့်ချေ ။ အသာလေးဖြတ်ကျော်သွား၏ ။

ချန်ကန်းသည် သူမကြားရ၍ဟုထင်ပြီး : " နေပါဦး "

ရှန်ယိက ပြောလိုက်သည်။

" အရှင့်သားကို ကာကွယ်ပေးပြီး မြို့ပြင်အရောက်ပို့ပေးဖို့ ကျွန်တော်မျိုးကို အမိန့်တော်ချမှတ်ထားပါတယ်။ နှောင့်နှေးကြောင့်ကြလို့မဖြစ်ကြောင်းပါ။ "

သူ၏အသံသည် သံမျက်နှာဖုံးနောက်မှ ထွက်ပေါ်လာပြီး အေးခဲနေသည့်ဆောင်းရာသီထဲ ရေခဲမှုန်များအပြည့်ကပ်ငြိနေသော အေးစက်နေသည့်သံ ကဲ့သို့ပင်။