Kulang ang halik at yakap,
Kahit pa ang pagsasabi ng "salamat at mahal kita"
Hindi kayang tumbasan ng kilos o kahit na anong salita
Mga bagay na sa amin ay iyong ibinigay
Pag-aaruga, pagmamahal, pagsasakripisyo't pangaral
Lahat handa mong ibigay, mapabuti lamang kami inay
Kaya sa araw na ito, pasasalamat sa iyo ay alay
Pagmamahal na hindi man maiparamdam nang lubos
Ngunit sa puso naman namin ay taos
Salamat sa lahat, sa pagbibigay sa amin ng buhay
Salamat sa lahat, sa pag-unawa mo nang tapat
Salamat dahil palagi kang nandiyan
Kahit na parang kami ay kay layo naman
Salamat sa lahat, sa pagmamahal mong walang katumbas
Salamat sa lahat, kahit na minsan kami ay nagkukulang
Salamat sa lahat, sa pag-unawa sa kakulitan
Salamat dahil lagi kang nandiyan kahit na sa kalungkutan
Salamat sa lahat, sa pag-aarugang walang kapantay
Sa pagmamahal na sa amin ay alay
Kahit na sakit ng ulo ang sa iyo'y ibinibigay
Salamat sa lahat, kahit na kami'y may pagkukulang
Salamat pagkat lagi kang nandiyan, handa kaming damayan
Sa tuwa, sa lumbay o kahit sa sakit man iyan
Handa kang umagapay
Kahit na sa kabiguan pa iyan, hinding-hindi kami iiwan
Patawad sa lahat, sa aming mga pagkukulang
Sa mga pagkakataong nagiging sakit na kami ng ulo
Patawad sa lahat nang sakit na sa iyo ay naidulot
Hindi naman hangad na ikaw ay saktan
Mahal ka namin, ina maraming salamat
Itaga mo iyan sa bato at sa tubig ay huwag isulat
Hindi man madalas na sambitin ng bibig o sa iyo ay maipadama
Lagi mong tatandaan: Mahal ka namin, peksman
Pwera biro, tanong mo pa kay Batman
