Kapangyarihan, kayamanan
saan nga ba hahantong ang lahat?
Inggit, galit, kasakiman
tungo sa isang malagim na kamatayan.
Pagkamuhi, hinanakit
na sa puso ng bawat isa ay nanahan
Ang buhay mo'y kulang pa
bilang kabayaran sa'yong kasalanan.
Pag-ibig, pagtanggap at kapatawaran
ngayo'y walang puwang sa puso ninoman
Pighati, hinanakit ay walang katulad
sa sakit na nadarama ng mga naulila
Pag-amin, pagtanggi ay wala na ring saysay
pagkat buhay nila'y iyo nang ninakaw
Para saan pa ang paghingi ng tawad
kung huli na rin naman ang lahat
Sakim, gahaman taong
uhaw sa kapangyarihan
Handang pumatay ng kapwa
manatili lamang sa katayuan
Kaguluhan, kamatayan
marami nang nagbuwis ng buhay
Politiko, sibilyan maging mga mamamahayag
Inagawan ng buhay ng walang sapat na batayan
Pag-aagawan, pagtatalo, away pamilya daw ang anggulo
Paglilingkod, pagnanaiso paghahangad lang sa pwesto
Kadakilaan, kapangyarihan idagdag pa ang kayamanan
Naging mitsa ng buhay ng marami nating kababayan
Ang paghahangad ng labis ay walang mararating
Ang pagiging gahaman sa pera at kapangyarihan
Kahit kaila'y di magdudulot ng maganda
Dahil minsan kahit buhay handang nakawin
makamit lamang ang pinakamimithi
