Para akong isang dormant volcano,
Tahimik at payapa ang aking kalooban at puso.
H'wag n'yong hintaying sumabog ako
Na para bang isang active volcano.
Hanggat kaya ko hindi ako nagsasalita
Pero sobra na naman talaga
Hindi na tama inyong pinapakita
Ang pambabastos niyo'y lantaran na.
Akala n'yo ba natutuwa pa ako?
Hindi, sobra-sobrang inis na 'yong nararamdaman ko
H'wag n'yong hayaang magbago ako sa inyo
Baka 'di n'yo magustuhan ang gagawin ko.
Hindi ba kayo makukuha sa tingin?
Ni tagalog ata hindi n'yo kayang intindihin?
Bakit mahirap bang tumahimik
At tumigil sa pagdaldal matatabil na bibig.
Kung tutuusin madali lang ang lahat
Kung marunong kayong umintindi nang wagas
Hindi naman kayo mga ispesyal na bata
Na kulang sa sapat na pang-unawa
Kung ayaw ninyo sa ating asignatura
Tumahimik na lang kayo mas mainam pa
Nang hindi kayo makaperwisyo at makaistorbo
Sa maganda sana naming diskusyon.
Kung ayaw n'yo naman sa akin ayos lang
Wala naman sa akin ang ganoong bagay.
Pero isipin n'yo, bakit ako ba ang hindi matututo?
Ako ba itong mawawalan? Hindi ba't kayo iyon.
Mag-isip-isip, magnilaynilay
'Di pa naman huli ang lahat
Pwede ka pa naman, kayong magbago
Nasa sa inyo na nga lang 'yon kung gusto n'yo
'Di ko kayo pinipilit kung ayaw n'yo
Ang sa akin lamang umayos kayo
Hindi na kasi maganda pinapakita n'yo
Kung umasal kayo parang hindi na kayo tao.
Ano ba talaga ang problema ninyo?
O tamang sabihing ako ba ang problema n'yo?
Pero 'di ba ako dapat itong higit na mamoblema sa inyo?
Nagsisilbi na kasi kayong sakit ng ulo ko.
Magbabago naman 'yong pagtingin ko
Kung kayo sa sarili n'yo ay handa ring magbago.
Magsabi lang kayo makikinig ako
At aakayin ko kayo sa dako pa roon
Hindi man sa tuwid na landas,ngunit masasabi kong tama
Masalimuot man sa una, kakayanin natin 'yan
Basta sama-sama tayong lahat sa pagtahak sa tamang landas.....
Siguradong hindi tayo maliligaw
