Naranasan mo na bang mamuhay
sa mundo ng pagpapanggap?
Mundo kung saan puno ng kasinungalingan
Naranasan mo na bang mamuhay
na tila ba sa’yo nakabunton ang lahat ng sisi?
Na tipong ikaw lamang ang may kasalanan ng lahat
gayong ang katotohanan ginawa mo iyon para sa ikabubuti nila
Kahit na sa kabila no’n
ikaw rin naman ang mahihirapan
Naranasan mo na bang magbago
para lamang makiayon sa nakararami?
Nasa huli parang kabaliktaran pa ang nangyari
Naranasan mo na bang magdiwang
sa kasawian ng kapwa mo,
At tawanan sila dahil sa kanilang pagkakamali?
O 'di kaya’y tumawa,
'yong tipong parang walang ng bukas?
Hindi para sa iba
Kung 'di para sa sarili mo?
Hindi dahil masaya ka
Kung 'di dahil sa’yong sitwasyon
Naranasan mo na bang maging masaya
sa kabila ng sitwasyon mong kahabag-habag
Para lamang ipakitang matatag ka
at kaya mong mag-isa kahit wala sila
Nakakatawang isipin na maging ang sarili natin
kaya nating dayain
Kahit pa sabihing labag ito sa kagustuhan natin
sa huli mapipilitan parin tayong gawin