ျမင့္မားလြန္းေသာ ေတာင္တက္လမ္းမ်ားကို ျဖတ္သန္းအျပီးမွာေတာ့ တိုက္အိမ္ငယ္မ်ား၊ ပ်ဥ္ေထာင္အိမ္ငယ္မ်ားကို စတင္ျဖတ္သန္းကာ သံေတာင္ၾကီးျမိဳ႕သို႔ ေရာက္လာခဲ့ၾကသည္။
ေရပတ္လည္၀ိုင္းလ်ွက္ရွိရာ ေျမကို ကၽြန္းဟုေခၚပါလ်ွင္ ေတာင္တန္းမ်ားပတ္လည္၀ိုင္းရံေနေသာ ျမိဳ႕ေလးကို သံေတာင္ၾကီးဟု အမွတ္ထားရမလားမသိ။ ျမိဳ႕ေလး၏ လ်ွပ္စစ္မီးေရာင္လဲ့လဲ့က မထြန္းေတာက္ေသာ္လည္း ေအးခ်မ္းသည္။
အထက္တန္းေက်ာင္းတစ္ခုကိုျဖတ္ေက်ာ္ျပီးသည္ႏွင့္ သူတို႔အားလံုး တည္းခိုျဖစ္မည့္ တည္းခိုခန္းကိုေရာက္လာၾကသည္။ ညေနခ်မ္း ေတာင္ေပၚေလညွင္းက ကားထဲမွထြက္လာသူတိုင္းကို ေအးစိမ့္စြာ ၾကိဳဆိုေနၾကသည္။ ကြယ္ေပ်ာက္သြားေသာေနေရာင္ႏွင့္အတူ ခ်မ္းေအးမွုက ပိုျပီးကဲလာျပီျဖစ္သည္။
"ခရီးပန္းလာၾကျပီလားေ၀့.."
ပါးေစာင္ထဲတြင္ ကြမ္းယာအျပည့္ငုံထားကာ ၀မ္းသာအားရႏွုတ္ဆက္လာေသာ ကရင္ဦးေလးၾကီးမ်က္ႏွာသည္ အျပံဳးပန္းမ်ားျဖင့္ ေ၀ေနသည္။
တည္းခိုခန္းသည္ ႏွစ္ထပ္တိုက္အိမ္တစ္ခုျဖစ္သည္။ အိမ္ခန္းထဲမွ မီးေရာင္သည္ အျပင္ကိုျဖာက်ေနသည္။ ဆင္၀င္မီးရွိဟန္မတူ။ အျပင္တြင္ မေမွာင္ေသးေပမယ့္ အလင္းေရာင္သဲ့သဲ့သာ က်န္ေတာ့သည္။ ျခံထဲမွာ ကားႏွစ္စီးလံုးရပ္ဖို႔ေနရာမရွိဘဲ တစ္စီးခန္႔သာရပ္ရန္အဆင္ေျပသည္မို႔ ကားကို ျခံျပင္မွာသာ ရပ္ခဲ့သည္။
"သာလိကာနဲ႔ ပုစဥ္းရင္ကြဲေပါင္းျပီးေမြးလာတဲ့ မင္းရဲ႕ညီနဲ႔ ငါ တစ္ခန္းတည္း မေနဘူး..."
သတိုး ျခံထဲလွမ္း၀င္လာသည္ႏွင့္ ကားကိုမွီရပ္ေနသည့္ ထက္ေ၀ယံ ေၾကျငာသည္။ စီးကရက္ကို မီးရဲသြားသည္အထိ ရွိုက္ဖြာေနသည့္ ထက္ေ၀ယံ၏ မ်က္ႏွာသည္ ျပိဳင္ပြဲ၀င္ခါနီး ၾကိဳး၀ိုင္းထဲမွ လက္ေ၀ွ႔သမားတစ္ေယာက္ႏွင့္ ဆင္ဆင္တူေနသည္။
ရဲေသြးငယ္ကိုေတာ့ အနီးအနားမွာမေတြ႔ရ။
"အခန္းက အမ်ားၾကီးမရွိဘူး ကိုေလးရ.."
ခ်မ္းစိမ့္ေသာ ေလေအးေၾကာင့္ ဆြယ္တာေခါင္းစြပ္ကို စြပ္ရင္း သတိုး ေျဖရသည္။ သူတို႔ေလးေယာက္ တည္းခိုရန္ အခန္းႏွစ္ခန္းကို သတိုး ၾကိဳတင္ဖုန္းဆက္မွာထားခဲ့သည္။ သံေတာင္ၾကီးျမိဳ႕တြင္ တကယ့္ျမိဳ႕ၾကီးျပၾကီးမ်ားလို မိုးျမင့္ဟိုတယ္မ်ားရွိေနသည္မဟုတ္။ ထို႔အျပင္ ခရစ္စမတ္ပိတ္ရက္ႏွင့္ တိုက္ဆိုင္ေန၍ ဧည့္သည္မ်ားခ်ိန္ျဖစ္သည္။
YOU ARE READING
ကြယ်တွေကြွေသောည
Romance(Unicode & Zawgyi) ကြယ်ကြွေချိန်ဆိုတာ တကယ်တော့ ခဏလေးပါ။ ဒါပေမယ့် အဲဒီအချိန်မှာ အရမ်းကိုပူပြင်းလောင်ကျွမ်းခဲ့တာလေ။ နေရှင်းခ.. ငါတို့နှစ်ယောက်ရဲ့ ဆုံစည်းမှုတိုင်းဟာ ကြယ်ကြွေချိန်တွေလိုပဲဖြစ်ခဲ့တယ်။ ၾကယ္ေၾကြခ်ိန္ဆိုတာ တကယ္ေတာ့ ခဏေလးပါ။ ဒါေပမယ့္ အဲဒီအ...
