ညေနေစာင္း ေနေရာင္ျခည္ေဖ်ာ့ေဖ်ာ့သည္ ေလညွင္း၏ တိုးေ၀ွ႔ကစားမွုေၾကာင့္ သစ္ရိပ္မ်ားၾကားမွာ ေပၚလိုက္ေပ်ာက္လိုက္ျဖစ္ေနသည္။ နိမ့္ဆင္းလာေသာ ေနမင္းႏွင့္အတူ ရွည္လ်ားလာေသာ သစ္ရိပ္၊ ေတာင္ရိပ္မ်ားသည္ ေအးခ်မ္းေသာ ေတာင္ေပၚညေနခင္း၏အလွကို ျပည့္စံုေနေစသည္။ အိပ္တန္းပ်ံေတာ့မည့္ ငွက္ငယ္မ်ား၏ တီတီတာတာ ေအာ္ျမည္သံႏွင့္အတူ ၀ါးပင္မ်ားၾကားမွ ေတာင္ေပၚေလ၏ ေတးသီဆိုသံသည္လည္း လူးလြန္႔ထြက္ေပၚလာေနသည္။
တိတ္ဆိတ္ေအးခ်မ္းေသာ ဘုရားေက်ာင္းငယ္ေလးသည္ ေတာင္ကုန္းျမင့္တစ္ခုေပၚမွာ တည္ရွိေနသည္။ နီညိုေရာင္ေဆးသုတ္ထားေသာ အုတ္နံရံမ်ားႏွင့္ ၾတိဂံပံု ဘုရားေက်ာင္းေခါင္မိုးထက္မွ အျဖဴေရာင္လက္၀ါးကပ္တိုင္သည္ အရာအားလံုးကို ျငိမ္းခ်မ္းမွုတစ္မ်ိဳးျဖင့္ လႊမ္းျခံဳထားသည္။ ေတာင္ေပၚပန္းရိုင္းေလးမ်ားမွာလည္း ေလညွင္းႏွင့္အတူ ဟို ဒီ ယိမ္းႏြဲ႕ဆဲ။ ကုန္ဆုံးေတာ့မည့္ ေန႔အလင္းေရာင္ကို ႏွုတ္ဆက္ကာ အိပ္ရာ၀င္ေတာ့မည္ျဖစ္ေၾကာင္း အျပံဳးသဲ့သဲ့ႏွင့္ ေျပာေနၾကဟန္။
သတိုး ဘယ္ႏွစ္ၾကိမ္ေျမာက္မွန္းမသိ ဘုရားေက်ာင္းေရွ႕မွ ေတာင္ေပၚ လမ္းေလးကို ေမ်ွာ္ၾကည့္မိသည္။ သစ္ရိပ္၊ ၀ါးရိပ္မ်ားေၾကာင့္ အေ၀းဆံုးကို ျမင္ရသည္ေတာ့မဟုတ္။ ဒါေပမယ့္ ကိုယ္ကိုေရြ႕ကာ အတတ္ႏိုင္ဆံုး အေ၀းဆံုးကို လွမ္းၾကည့္သည္။
ရွင္းရာ.. လာပါေတာ့..
သူ႔ စိတ္ထဲမွ ဒီ စကားကို ဘယ္ႏွစ္ၾကိမ္ေျမာက္ ေျပာမိျပီလည္းမသိ။ သူ တစ္ေန႔လံုး ေနရွင္းခအလာကို ေစာင့္ေနမိသည္။ ျငိမ္သက္စြာ တစ္ေနရာထဲ ထိုင္ေနလို႔မရေအာင္၊ စကားကို ေရွ႕ေနာက္မမွန္ေအာင္ ဘာေတြေျပာလို႔ ေျပာမွန္းမသိ၊ ဘာေတြလုပ္လို႔လုပ္မွန္းမသိေအာင္ပင္ စိုးရိမ္ေစာင့္စားေနမိျခင္းျဖစ္သည္။
"သတိုးရယ္.. ထိုင္စမ္းပါ.. နင့္ကိုၾကည့္ျပီး ငါေတာင္ ေညာင္းလာျပီ.."
ယမံု ဆူေပမယ့္ သတိုး မထိုင္။ လည္ကိုဆန္႔ကာ ဟိုးအေ၀းတစ္ေနရာကို လွမ္းၾကည့္သည္။
"ယမံု.."
"ဘာလဲ.."
"ငါ႔ အက်ီၤက ပံုက်ရဲ႕လား.."
YOU ARE READING
ကြယ်တွေကြွေသောည
Romance(Unicode & Zawgyi) ကြယ်ကြွေချိန်ဆိုတာ တကယ်တော့ ခဏလေးပါ။ ဒါပေမယ့် အဲဒီအချိန်မှာ အရမ်းကိုပူပြင်းလောင်ကျွမ်းခဲ့တာလေ။ နေရှင်းခ.. ငါတို့နှစ်ယောက်ရဲ့ ဆုံစည်းမှုတိုင်းဟာ ကြယ်ကြွေချိန်တွေလိုပဲဖြစ်ခဲ့တယ်။ ၾကယ္ေၾကြခ်ိန္ဆိုတာ တကယ္ေတာ့ ခဏေလးပါ။ ဒါေပမယ့္ အဲဒီအ...
