كرونيك:💗💗موح💗💗

15

15
فتيحة:يويويويويوووووي متندميش حبيبتشي راح تعيشي سلطانة زمانك ...
عايشة:بلعت ريقها ....بشرط .....
فتيحة:اشرطي واش تحبي ....
عايشة:نحب 350مليون تكون عندي اليوم قبل غدوا ...
فتيحة:ههيهيههههييي غالي وطلب رخيس من عنيا لثنين...المهم وجديلي روحك مليح من كلش نفسيا وفيزيائيا خاصة فيزيائيا الحالة تقدر طول حتى 12 ساعة هيهيهيهيييي راني قتلك باش ماتقوليش مقاتليش فتيحة اوكيي...
عايشة:شافت فيها وتحجرت دمعة بين عينيها ...حابة تدفن روحها وبعدها تتفكر امها تتشجع بيها وتقول معليش المهم تعيش امها حتى وتضحي بروحها......
خرجت من عندها مهدودة قلبها على الطرف تبكي بساكت وصلت للبراكة تعهم وقعدت تبكي.شافت في روحها في لمرايا مكسرة لقات روحها ضايعة وكل جزء من زجاجة يبين وجها صغير تحفون عينيها فمها شعرها شفافها كل حاجة وين وجها مكسر مع لمرايا قامت تجري مسحت دموعها لازم توجد روحها وتعمل لمستحيل على خاطر امها......
..................................
جلال دخل للبراكة ملقاش اختو كان في بالو الي مزالت في الكوميساريا خرج يكسر ومشا يشوف امو في لوبيتال......بعد ماتقعد من راسو راح وهو كاره ....كان لقا يقضي عليهم ويقتلهم راهو قتلهم من زمان ...
....................................
فتيحة:يوووه واش هذي لبسة نونونونو لازم هذي ...جبدتلها نويزات المعري كثر من المغطي ...
عايشة:هبلتي ....كيفاش نلبسها هذي....لالااا...
فتيحة:شوفي عايشة تفاهمنا وخلاص منبقاوش نعاودو في سنة سيبون انت تدي واش تحبي وهو راجل يدي واش يحب هيا فارصي البسي راهو قريب يوصل ........شافت في لبسة وشدتها وطاحت في لرض تبكي كيفاش تلبس كيفاش تبدا راح يروح كلشي قرايتها مستقبلها شرفها اي حاجة مليحة راحت من حياتها تحطمت كليا قامت تسحب ومشات تلبس فيها ...المهم يماها تقعد على راسها .....