كرونيك:💗💗موح💗💗

53

53
عدلان:الو وينو رؤوف نحتاجو ضرك...كلموهولي يجيني للبيرو....
*حاظر سيدي ...
دخل عليه وغلق لباب....
رؤوف:غير لخير ...
عدلان:اقعد اقعد خلينا نحكو عندنا خدمة صعيبة في الحدادة...لازم نهربو سلعة ولازم نطرافيكيو الورق ...باش يجوزو على الحدادة
رؤوف:اوكي مكاش مشكل ...راح نكلموهم. في تلفون ونخليهم يجوزو ...امر من عندي انا...
عدلان:اوكي اليوم على ساعة الحداش يكونو فم متنساش ...
رؤوف:اوكي ساهل خليها عليا...
عدلان:ابعد الورقة بالفاكس هذا هو نومرو لتبعث فيه......
شدها ومشا...
عدلان:وقف وحك لحيتو...مقلق ......فتح تاقة وقعد يشم في الهوا خرج دخان وجبد قارو وشعلو وقعد يتكيف....ويتفكر في عايشة ..كيفاش تقتنع وتمشي معاه...حب يهرب من المعيشة والخدمة ليخدم فيها ..اذا فاقولو رقبتو طير راهي خيانة الدولة مفيهاش رحمة ...جبد نفس من دخان ونسف ...
....................
في صباح عايشة قامت من مكانها تجري وخرجت...كانت لحالة فارغة...دخلت وين البار وجبدت تلفون....كتبت نومرو تع موح وقعدت تستنا فيه توحشت صوتو...
...........
صونيا سمعت صوت تلفون وهي قاعدة في بيتها مشات تجري لقاتو راقد شافت نومرو لقاتو نومرو معندوش اسم خرجت من لبيت ومشات تجري..
عايشة:الوو..موح
صونيا:الو وي متكوبيش...خليني نهدر معاك...انت عايشة؟
عايشة:عينيها وساعو وبلعت ريقها...مممم
صونيا:مليح اسمعيني مليح مليح ...راجلي موح راني قريب نجيب وليدو ليراهو في كرشي اذا كنت مرا وتخافي ربي بعدي عليه بعد سما على الارض راكي حتهدميلي حياتي وراكي حتيتمي طفل معندو حتى دخل في هذو المشاكل اخطينا راكي تسمعي فيا ولا لالا ...
عايشة:تحجرو دموع في عينيها وهي تسمع مقدرتش تصدق كيفاش هذي كيفااش ..كذب عليها...
صونيا:الووو..الووو ...شافت في تلفون لقاتو تكوبا..ضحكت من عينيها ومشات تجري تحط تلفون قبل مايفيق .....