كرونيك:💗💗موح💗💗

96

96

شدو من خناقو واشرف شدلو يديه يبعد فيه
موح:انت واش تحكي .
اشرف:الي سمعتو تلطفلة حامل
موح:منين حامل وكيفاش فهمنيي
اشرف:انت واحد مريض مفهمتش كيفاش كانت عايشة معاك
موح:زاد شدو كان حيضربو وفاقت عايشة.
عايشة:مم..مم...
اشرف:بعدلو.يدو ومشا يشوفها..عايشة راني هنا متختفيش مشا يجري جابلها الماء
موح:نزل يشوف فيها ومحروق مد.يدو.يمسحلها على وجها..عايشة علاه علاه مقلتيليش
عايشة:شافت فيه وسكتت..واش..نقولك
موح:على انك.حامل
عايشة:عينيها وساعو.وقامت..واش تحكي.انت..شكون قالك
موح:هذاك زمر قالي هو سامع وانا لالااا كيفاش عايشة كيفاش متقوليش
عايشة:نزلو.دموعها تعيش موح خليني من مشاكل انا حابة وليدي يتربا في حياة عادية طبيعية مش في كل وقت وانا هاربة ..
موح:راح نهربو من هنا نوعدك منيش حنخليك ..قرب ليها وهي وقفاتو
عايشة:سمعت هذا الكلام من زمان وبعدها مشيت وخليتني كالكلبة ومن فوقها سمعت سبان مشي هكذا يا موح
موح:كان لازم عليا نعمل هكذا باش نحميك افهميني
عايشة:تعيش موح علابالي مي لازم عليا نخمم على ولدي قبل كل شي خليني في راحتي
اشرف:خليها في راحتها متضغطش عليها ..هاكي اشربي الماء باش ترتاحي
موح:كبس على يدو والعروق بانو كان حيكسر دنيا فوق راسو..انت مدخلش روحك ..ومعندكش حق تقعد هنا
عايشة:شدت اشرف ...وقت لي كنت انت غايب هو كان معايا ووقف معايا.
موح:هنا الصبر ليكان فيه نفذ وبدا يصيح..انت وااااش مترحمينييييش انااا كنت نحمييي فيك اشرف قرب ليه باش يبعدو حتى جاتو بونيا للوج طيحاتو
عايشة:شدت فمها وشافت فيه ....اخرررج اخرررج
موح:غيرر ولدي لمنسمحش فيه تسمعييي فيااا منسمحش فيه للدقيقى تاليا مشا خرج وخبط الباب
عايشة:مشات عند اشرف تقوم فيه..اشرف امشي من هنا سيي مهوش حيخطيك نعرفو مليح
اشرف:شاد في وجهو.ومسح دك منيش حنمشي حتى تولدي وانت تعرفي واش تعملي ..قام وخرج وهي قعدت تبكي على حالها
،موح مشا ركب طونوبيلتو يرحي في طريق رحيان ويخبط في لفولا
موح:يخي انا شكووون انا شكون بالنسبة ليها طرطوور وهذاك.زمر عندها اااااااااااه نرجع نرجع نقتلوووو ....غمض عينيه وخضا فران سااك وهاود دار وين هي رن تلفونو مسمعوش.مكانش حاب يرد على حتى واحد ربعة مرات وشاف نومرو لز.على سنيه ...انت هو للازم.نقتلو الاوول انت...شد اعصابو...الو
عثمان:اذا تقدر جي عندنا اجتماع لازم نحظرو لمهمة اخرى
موح:عينيه يشعلو نار...حاظر مسيو عثمان راح نجي ..ساعة ونكون عندك..علق عليه..نوعدك الي هذي اخر مهمة ليا عندك ....
بعد ساعة:
نورا:وين كنت تقلقنا عليك
موح:كنت عندها انت كنت عارفة الي هي حامل؟
نورا:ايه عارفة ومقدرتش نقولك وعدتها
موح:خبط الكرسي ومشا يحوص ويدور في لبيرو..تسما انا اخر من يعلم مليح..
نورا:انا وعدتها الله غالب مقدرتش نتكلم
موح:شاف فيها راح تندمو راح تندمو..
نورا قلبت عينيها منو
موك:زادت حتى هي مش معبرتني وكمل عليا هذاك الخرا لمعاها..
نورا:هذاك الخرا اسمو اشرف
موح:زيدي كملي على*** انت ..
نورا:كالمي روحك كالش يفوت وانت باقي غير تزيد تعقد فيها
موح:واش ندير هياا قوليلي درتو ماعجبها طلبت منها سماح ماقبلت بررتلها الموقف تاعي ماقبلت كل حاجة قلتهالها مقنعتش بيها
نورا:قربت ليه ..موح عايشة حباتك ككنت من قبل مش كما ضرك بالنسبة ليها هي تبدلت لازم.ترجع كما كنت شافت فيه وخلاتو.
موح:تنفس وتعب قعد في الكرسي منهار ..
جتمعو.في غرفة الاجتماعات وقاعدين يتصنتو
عثمان:هنا راح يكون الخطر جماعة الارهابية كل يوم جي تهرب سلاح من هنا في الحدود..كان يوريلهم في الخريطة..وهذي الجماعة مهيش جماعة تع عشرين او ثلاثين يعني تفوت الخمسين وكل يوم تكبر وتصبح اخطر من هك لازم علينا نروحو هنا في الحدود ونقدرو نقولو راح تصرا حرب بينا وبينهم
موح:ولازم شحال حنا نكونو
عثمان:لازم نكونو اكثر من ميتين واحد ويتوزعو على الحدود هكذا باش نقدرو نحكموهم او تقوم الحرب
موح:يعني فهمت من كلامك قادر يكونو فايتين المية واحد
عثمان:لازم.نديرو احتياطنا
موح:اوكي هنا لازم يكونو الجنود تعنا عندهم كل الاجرائات ولمواد لازمة باش منخسروش من جماعتنا
عثمان:اكيد مدام جانا البلاغ من الفوق لازم يكون كل شي حاظر
موح:وقتاش هذي المهمة تبدا
عثمان:بعد 15 يوم
عايشة قاعدة في البيت وتخمم
عايشة:واذا رحت وخرجت من هنا وين راح نروح شافت في كرشها..ومستها..لازم نمشي