كرونيك:💗💗موح💗💗

84

84
شادة صورتو وتبكي تحس في قلبها معصور تحس في واحد بضرب فيها لصدرها مست صورتو....
عايشة:علاش رحت وخليتني علاش ...كل ناس لعزاز.يروحو ...علاش شدت صورة امها وبدات تمسح عليها...ماما راكي شفتي وين وصلت بعد.مامتي وخليتيني كنتي ضلي كنتي سقف متاعي كنتي سترة متاعي كنتي ضحكتي كنتي فرحتي كنتي حمايتي وقوتي رحتي تعريت يا امي تعريت وخليتيني بلا بيك نقهرت وتحقرت ونذليت حتى موح ومشا وخلاني حتى موح وذلني حتى موح وستغلني وقال عليا منسواش ....مسحت على كرشها....راح نتقوى بوليدي راح نوقف على جالو ...سامحيني يا امي ....شدت صورة موح شافت في صورة ومن زعافها لاحتها....دق لباب ....خبات صورة تجري ادخل...
اشرف:دخل شاف فيها ...ضاهر فيك محضرة. روحك.من صباح..
عايشة:لا ......انا ..حضرت روحي ضرك ....
اشرف:علاش متقعديش علاش محبيتيش تقعدي يعني خفتي مني او ...
عايشة:يوه لاا متعاودهاش كامل ...مي لازم نروح تعبتك معايا....منقدرش نزيد ...هكذا مش مليحة ليك وليا ..
اشرف:بففف اوكي اوكي خلاص نفس لحكاية المهم الدار لشفتهالك قريبة مني منيش حنخليك وحدك ...راح كل يوم نجي نشوفك...اوكي..
عايشة:ههه اوكي مزلت تعب في روحك ...
اشرف:مكان حتى تعب هيا امشي
مشات خرجت معاه .....
........................
قبل بيومين:
عايشة:اشرف نحب نحكي معاك....لازم نمشي منقدرش نزيد فوق هذا الشي بزااف ...
اشرف:كيفاش علاش ...معنديش مشكل انا...
عايشة:تعيش مجادلنيش في هذا الموضوع راني قررت وراح نمشي منقدرش تعيش متجبرنيش على حاجة منيش حابتها...
اشرف:شاف فيها وسكت....اوكي اوكي بشرط خليني يومين برك نحوسلك على دار تقعدي فيها وترتاحي وبلا مجادليني راني منيش حنقبل تخرجي من هنا من غير متعرفي وين تمشي ...
عايشة:اوكي ...يومين برك منقدرش نزيد ..وسامحني ...
خرج اشرف وكلم نورا....
اشرف:حابة تمشي ومقدرتش نشدها راني قلتلها اصبري يومين ونشوفلك دار تناسبك واش رايك
نورا:عملت مليح شوفها غير قدامك هكذا تقدر تمشي شوفها المهم متخليهاش تغيب من عينك
اشرف:اوكي ....كوبا تلفون....نضن الي منيش حنقدر نخليها ..ههه حك راسو ومشا يتبسم ...