كرونيك:💗💗موح💗💗

63

63
تجري برجليها لحفيانين تجري وتلهث حتى نقطع فيها نفس توقفت شافت وراها وهي تلهث ...وكملت تجري ........
..............
خرجت نورا وموح...
موح:انت واش عملتي علاش بدلتي الخطة...
نورا:امشي وضرك نقولك...
بعدو علييهم ودخلو في طونوبيل ...
موح:احكي واش هذا تخلبيص كان كلش في صواب علاه بدلتي كلش..
نورا:راح نخلوهم ثم راح نبعثو رجال يعسوهم منها تقتلو لعساسين وتهربوهم منقدرش نخلي لبنات هذوكا يانهربوهم كلهم يا مكاش وهكذا راح نحكمو سلمان في ليلة وحدة
موح:ممم مليح اوكي يعني هذا كلو غدوا وعلاش مش ليوم...
نورا:متتقلقش موح كلش نخليوه يطيب على نار هادية باش جينا لماكلة بنينة تبسمت بجيه وهو قلب عينيه وكمل يسوق....
موح:كيفاش حكايتك مع الامن القومي...اذا سؤالي مفيهش احراج..
نورا:حكايتي كما حكاية لبنات هذوما ضحكت بجنب وتنهدت خسرت كل شي وخسرت اغلى ناس خطيبي بابا بسبة مرت بابا ...تحجرت دمعة ونزلت ومسحتها بالخف..
موح:سامحيني مكانش قصدي نفكرك...
نورا:عادي بعد ماخسرت كل شي بروبوزاو عليا كما انت ...
موح:يعني دايما يخيرو ناس ضعيفة ...
نورا:لالا يخيرو ناس لمعندهاش اهل يعني مقطوعين من شجرة ومبنيين على قوة الانتقام كما انا وانت وغيرو من الجماعة ...
موح:تبسم بجنب .......وكمل يسوڨ..
..............
عايشة:وصلت وشوف من بعيد مقدرتش تصبر قلبها يدق توحشت كل شي الحومة والبراكة ريحة امها فيها تحب ترقد فيها ولو نهار وتحسب الي فات كلو منامة ومش صحيح الي صار فيها هذا الكل مشات خطوة بخطوة تاعبة سمعت صوت رجال في الحومة تخبات شافتو وقلبها عصرها نزلت دمعة شافتو كفاش مشا بعيد مع صحابو..
عايشة:علاش علاش ياخويا محميتنيش انت لبقيتلي في هذي دنيا علاش مكنتش في بلاصة امي الله يرحمها علاش ...تنهدت ومشات جيهة البراكة فتحاتو من غير صعوبة ودخلت جبدت نفس تشم في ريحة ريحة توحشتها مشات تجري جبدت شال تع امها وقعدت تشم فيه وتبكي حتى وين سمعت صوت وراها.....دورت وجها عينيها وساعو ......
...............
عدلان خارج برا كالمهبول يحوس عليها يمشي من ومن ...يلعن*********** وين رحتييي راح******* اااااااااااااااااااا يضرب في لفولا ويحوس عليها....
بعد ساعتين:
جلال:راهي عندي ارواح تدي امانتك.......