အဆုံးမဲ့အာဏာ (လီဖူချန်း)

1-10

အဆုံးမဲ့အာဏာ အ ပိုင်း၁
အနှိမ်ခံလီဖူချန်း

" လီဖူချန်း "
" မင်းနောက်ထပ် ဆယ်နှစ် လေ့ကျင့် ရင်တောင်  ငါ့ရဲ့ ပြိုင်ဘက်ဖြစ်လာနိုင်မှာ မဟုတ်ဘူးကွ။
လီဖူချန်းတစ်ယောက် ပြိုင်ပွဲ စင်မြင့် ထက်ကနေ လွှင့် ထွက်သွားပြီး မြေကြီးပေါ်မှာ ပုံရက်သား လှဲကျနေခဲ့တယ်။
သူ့့ကို စင်မြင့်ပေါ်ကနေ မပြီး ပစ်လိုက်တဲ့သူကတော့  အစိမ်းရောင်ဝတ်စုံ နဲ့ လူပျိုပေါက်အရွယ် ကောင်လေးတစ်ယောက်ဘဲဖြစ်တယ်။
" အဟက်"
" ငါထင်ထားတဲ့အတိုင်းဘဲ မင်းက ငါ့ရဲ့ တိုက်ကွက် သုံးကွက်တောင် မခံနိုင်ပါလား"

ဒီတစ်ကြိမ်ဟာ လီဖူချန်းတစ်ယောက် လီယွန်ဟီ ကို တစ်နှစ်အတွင်းမှာခုနစ်ကြိမ်မြောက်  ရှုံး ခဲ့တာဖြစ်သည်။
သိုင်းပြိုင်ပွဲကို ရပ်ကြည့်နေတဲ့ လူအုပ်ထဲမှ တစ်ယောက်က
" မနှစ်တုန်းကတော့ လီဖူချန်းဟာ ပါရမီရှင်တစ်ယောက် ဘဲကွ။
အဲတုန်းက သူက လီယွန်ဟီကို သက်သက် သာသာဘဲ အနိုင်ယူခဲ့တာ"
" ဒါပေမယ့် မမျှော်လင့် ဘဲ ဒီနှစ်မှာ သူ့ရဲ့ပါရမီတွေက ပျောက်ကွယ်သွားပြီး  အသုံးမကျတဲ့ လူ ဖြစ်သွားတယ်။
သူ့ရဲ့ စွမ်းရည်တွေက တိုးတက်မလာဘဲနဲ့ ပျောက် တောင် သွားသေးတယ်။ ပြီးတော့လီယွန်ဟီကို မနိုင်မှန်းသိတာတောင်   စိန်ခေါ်တာကို အမြဲလက်ခံပြီး ပြန်တိုက်သေးတယ်။ ဘယ်လောက် တုံးလိုက်တဲ့ငကြောင်လည်း"
" မင်းမှားနေပြီ။  သူက တုံးတာမဟုတ်ဘူး။
လီဖုချန်းက မာနကြီးတဲ့လူတစ်ယောက်ဘဲ။
သူက ဘယ်စိန်ခေါ်မှု မျိုး မဆို ကြောက်ရွံ့ ပြီး ငြင်းပယ်လိုက်မယ့် သူမျိုး မဟုတ်လို့ဘဲ" ဟု လူတစ်ယောက်က ပြန်ရှင်းပြသည်။
" ဒီပြသနာတွေက လီဖူချန်း ရဲ့ ဇနီးလောင်း  ကောင်းရှု ကြောင့် ဖြစ်တာဘဲကွ။ ငါတို့ထဲမှာ လီယွန်ဟီက ကောင်းရှု ကို ဘယ်လောက်ကြိုက်လည်းဆိုတာ မသိတဲ့လူ ရှိလို့လား။သူတို့သုံးယောက်က ငယ်ငယ်လေးကတည်းက အတူတူကြီးပျင်းလာကြတာလေ။
ဒါကို ကောင်းရှု နဲ့ လီဖူချန်းက စေ့စပ် လိုက်ကြတယ်ဆိုတော့
လီယွန်ဟီ ဘယ်လောက် ဒေါသထွက်မလည်း စဉ်းစားကြည့်ပေါ့"ဟု နောက်တစ်ယောက်ကလည်း သူသိထားတာကို ဝင်ပြောပြပြန်သည်။