အဆုံးမဲ့အာဏာ (လီဖူချန်း)

101-110

အဆုံးမဲ့အာဏာ   အပိုင်း ၁၀၁
အောင်မြင်မှုရဲ့ အသီးအပွင့်များ

" ဖူချန်း……မင်းဟာဒီနေ့အရမ်းထူးချွန်စွာ စွမ်းဆောင်ပြခဲ့ပြီ။
ကောင်းကလန်နဲ့ယန်ကလန်က မင်းကိုဆက်ပြီးကြီးပျင်းလာခွင့်မပေးမှာကို ငါကြောက်နေမိတယ်။
ပြီးတော့ရှန်းတုကလန်ကလည်း မင်းကိုဒီအတိုင်းလွှတ်ထားမယ်လို့ ငါမထင်ဘူး။"
အားလုံးထွက်သွားပြီးတဲ့အခါမှာတော့ လီရှန်းရှီက လီဖူချန်းကို သတိပေးလိုက်ပါတယ်။
ဘေးနားမှာရပ်နေ့တဲ့ လီကျင်းရွယ်ကလည်း ခေါင်းညိတ်ပြလိုက်ပြီး
" ဖြစ်နိုင်မယ်ဆိုရင် ဂိုဏ်းထဲမှာဘဲနေ။
လုံးဝအပြင်မထွက်နဲ့။
တစ်ကယ်လို့ ဂိုဏ်းတာဝန်အရ ထွက်ရမယ်ဆိုရင်တောင်
သတိကို လုံးဝမလွှတ်စေနဲ့။"
ဝမ်းနည်းစရာကိစ္စတွေဆိုတာ မဖြစ်ခင်တည်းက ကြိုတင်ကာကွယ်ထားတာက အကောင်းဆုံးပင်မဟုတ်ပါလား။
**********

သာမန်အရိုးတည်ဆောက်ပုံဆိုတဲ့ လီဖူချန်းရဲ့ကိစ္စကြီးက သာမန်တော့မဖြစ်နိုင်ပေ။
တိတိကျကျပြောရမယ်ဆိုရင် လီရှန်းရှီတို့နှစ်ယောက်စလုံးက လီဖူချန်းကို သာမန်အရိုးတည်ဆောက်ပုံပိုင်ရှင်လို့ လုံးဝမမြင်နိုင်ပါဘူး။
လီဖူချန်းရဲ့ အရိုးတည်ဆောက်ပုံက  အရိုးတည်ဆောက်ပုံစမ်းသပ်ခြင်းကျောက်တုံးတွေနဲ့ စမ်းသပ်ရှာဖွေလို့မရတဲ့ အထူးအရိုးတည်ဆောက်ပုံတစ်ခု ဖြစ်နေနိုင်သည်လေ။
မဟုတ်လို့ကတော့ ဘယ်လိုလုပ်သာမန်အရိုးတည်ဆောက်ပုံပိုင်ရှင်လေးက ဒီလောက်အစွမ်းထက်နိုင်မည်နည်း။

" ကျွန်တော်နားလည်ပါတယ်။
အမြဲမပြတ်သတိထားပြီးလည်း နေပါ့မယ်။ "
လီဖူချန်းက လီရှန်းရှီတို့နှစ်ယောက်ကို ကတိပေးလိုက်ပါတယ်။

လက်ရှိသူ့အစွမ်းက သူ့ကိုယ်သူကာကွယ်နိုင်စွမ်းတောင် မရှိသေးဘူးဆိုတာ လီဖူချန်းကကောင်းကောင်းကြီးသဘောပေါက်ပါတယ်။
သူ့ရဲ့သိုင်းပညာအပေါ်နားလည်သဘောပေါက်မှုက မိုးလောက်ကြီးအထိမြင့်နေရင်တောင် အခုချိန်မှာတော့ သူက ကလန်သုံးခုရဲ့အမြင်မှာ ပုရွက်ဆိတ်လေးတစ်ကောင်သာသာဘဲ ရှိနေပါသေးတယ်။
သူမြေကမ္ဘာအဆင့်ကို ချိူးဖောက်ဝင်ရောက်ပြီးမှသာ
ကလန်၃ခုရဲ့ နှောင့်ယှက်မှုတွေကို ကောင်းကောင်းကြီး ပြန်လည်တုံ့ပြန်နိုင်မှာပါ။
လီရှန်းရှီနဲ့ လီကျင်းရွယ်ကို နှုတ်ဆက်အပြီးမှာတော့ လီဖူချန်းက အတွင်းစည်းဂိုဏ်းရဲ့ သိုင်းကျမ်းဆောင်ဘက်ကို ဦးတည်လာခဲ့ပါတယ်။