အဆုံးမဲ့အာဏာ (လီဖူချန်း)

351-360

အဆုံးမဲ့အာဏာ အပိုင်း၃၅၁
ရေကန်ထဲက ထူးဆန်းတဲ့ အရိုးစု

အခုဆိုရင် ဆင်နဂါးခန္ဓာကိုယ် သွန်းလောင်းခြင်း စတုတ္ထအခန်းရဲ့ အလုံးစုံ တတ်သိနားလည်ခြင်း အဆင့်ကို ရောက်သွားဖြစ်တဲ့ လီဖူချန်းဟာ  ပဉ္စမအခန်းကို လေ့ကျင့်ဖို့ ပြင်ဆင်ပါတော့တယ် ။
ပဉ္စမအခန်းကတော့ ပြန်လည်ဝင်စားခြင်း နယ်ပယ်နဲ့ သက်ဆိုင်တာပါ။လေ့ကျင့်တဲ့သူက အကြိုပြီးပြည့်စုံခြင်းအဆင့်အထိ လေ့ကျင့်ထားနိုင်ရင်တောင်မှ အဆင့်၃ ပြန်လည်ဝင်စားခြင်းနယ်ပယ်  ပညာရှင်ရဲ့ တ်ိုက်ခိုက်မှုကို မှုစရာ မလိုတော့ပါဘူး ။

လီဖူချန်းက သူ့ရဲ့ လက်ရှိအခြေအနေကို သူသိပါတယ်။ သူက ပဉ္စမအခန်းရဲ့ အကြိုပြီးပြည့်စုံခြင်း အဆင့်အထိ လေ့ကျင့်နိုင်ဖို့အတွက် အဆင်သင့် မဖြစ်သေးပါဘူး ။  ဒါပေမဲ့လည်း သူ့ရဲ့ ခန္ဓာကိုယ် ကြံ့ခိုင်မှု အနည်းငယ် ပိုကောင်းလာလည်း နည်းလားဆိုပြီး လေ့ကျင့်နေတာပါ ။

နောက်ထပ် သွေးအဆီအနှစ် တစ်စက် ထုတ်သောက်လိုက်ပြီးနောက်မှာတော့ လီဖူချန်းဟာ သူ့ရဲ့ သွေးတွေနဲ့ ချီအတွင်းအားတွေကို  ဆင်နဂါးခန္ဓာကိုယ် သွန်းလောင်းခြင်း ပဉ္စမအခန်းမှာ ပြသထားတဲ့အတိုင်း လှည့်ပတ်လိုက်ပါတော့တယ် ။
သူ့ရဲ့ ခန္ဓာကိုယ်ထဲမှာ ဖြစ်တည်နေတဲ့ ဆင်နဂါး ခွန်အား အပိုင်းအစလေး တစ်ခုဟာ တဖြည်းဖြည်း ပိုအားကောင်းလာ ခဲ့ပါပြီ။ ပြီးတော့ လီဖူချန်းက မူမမှန်တာ တစ်ခုကိုလည်း သတိပြုမိလိုက်ပါသေးတယ် ။
အဲဒါကတော့ သူ့ခန္ဓာကိုယ်ရဲ့ စုပ်ယူမှုအားပါပဲ ။ သူ့ရဲ့ ခန္ဓာကိုယ်ဟာ ရွှေဦးချို သားရဲရဲ့ သွေးအဆီအနှစ်ကို အရင်နဲ့ မတူတော့ဘဲ လျင်မြန်စွာ စုပ်ယူ နေတာပါ။  အချိန်အနည်းငယ် အတွင်းမှာပဲ ရွှေဦးချိုသားရဲရဲ့ သွေးအဆီအနှစ်၅စက်ဟာ ကုန်ခမ်းသွားခဲ့ပါပြီ ။

လီဖူချန်းဟာ သူ့ရဲ့ ကျင့်စဉ်ကို အရှိန်မပျက်စေဖို့အတွက် သံမြစ်ဂ်ိုဏ်းရဲ့ အထွဋ်ခေါင်ချုပ် အကြီးအကဲထံကနေ  ရထားတဲ့ အဆင့်၅ မိစ္ဆာသားရဲ သွေးအဆီအနှစ် ပုလင်းထဲက  သွေးတစ်စက်ကို ထုတ်ယူ သောက်သုံးလိုက်ပါတယ်။
ဝုန်း……
အဆင့်၅ မိစ္ဆာသားရဲ သွေးအဆီအနှစ်မှာ ခိုဝင်ကိန်းအောင်းနေတဲ့ မိစ္ဆာချီဓာတ်တွေဟာ လီဖူချန်းရဲ့ သွေးကြောထဲကို အရှိန်အဟုန် ပြင်းစွာဖြင့် တိုးဝင်လာခဲ့ပါပြီ ။ သည်တစ်ခါ သောက်သုံးလိုက်တဲ့ သွေးအဆီအနှစ်မှာ ခိုဝင်ကိန်းအောင်းနေတဲ့ မိစ္ဆာချီဓာတ်တွေက   ရွှေဦးချို သားရဲကြီးရဲ့ သွေးအဆီအနှစ်ထက် တောင်မှ ပိုအားကောင်းပါသေးတယ် ။
သူခန့်မှန်းမိသလောက် ဆိုရင်တော့ ဒါက အဆင့်၅ အလယ်အလတ်အဆင့် မိစ္ဆာသားရဲရဲ့ သွေးအဆီအနှစ်ပါပဲ ။ သည်သွေးအဆီအနှစ်ကို သံမဏိမြစ်ဂိုဏ်းရဲ့ အထွဋ်ခေါင်ချုပ် အကြီးအကဲက ဘယ်ကနေဘယ်လို ရခဲ့တယ် မသိပါဘူး ။
နှစ်စက်……
ငါးစက်………………
ဆယ်စက်……………………
အဆင့်၅ အလယ်အလတ်အဆင့် သွေးအဆီအနှစ် သွေးစက်၅စက်ကို စုပ်ယူပြီးတဲ့အခါမှာတော့ လီဖူချန်းရဲ့ ခန္ဓာကိုယ်က ဆက်ပြီး စုပ်ယူနိုင်စွမ်း မရှိတော့ပါဘူး။
အခုဆိုရင် လီဖူချန်းဟာ ယုံလောက်စရာမရှိတဲ့ မိစ္ဆာသားရဲ သွေးအဆီအနှစ် ပမာဏကို စုပ်ယူထားပြီးပါပြီ။
လူတစ်ယောက်ဟာ မိစ္ဆာသားရဲ သွေးအဆီအနှစ်တွေကို စိတ်ရှိလက်ရှိ စုပ်ယူမယ်ဆိုရင်  အဲသည်သူဟာ  အသိစိတ် လွတ်သွားပြီးတော့ မိစ္ဆာတစ်ဝက် ၊ လူသားတစ်ဝက် ဖြစ်သွားတာမျိုးနဲ့တောင် ကြုံတွေ့နိုင်ပါတယ်။ လီဖူချန်းကတော့ သူ့ရဲ့ စိတ်ဝိညာဉ်ကြောင့်  အဲသည်လို အန္တရာယ်နဲ့ ရင်ဆိုင်ရခြင်း မရှိတာပါ။