အဆုံးမဲ့အာဏာ (လီဖူချန်း)

271-280

အဆုံးမဲ့အာဏာ အပိုင်း၂၇၁

ဂိုဏ်းတော်ကို ပြန်ပြီ

"ဟိုကောင်လေးက လီဖူချန်း ဆိုတာလား……"
ဂိုဏ်းအသီးသီးက ထိပ်သီးပညာရှင်တွေကလည်း လီဖူချန်းကို အကဲခတ်နေကြပါတယ်။
လီဖူချန်းဆိုတဲ့ ကောင်လေးကို နံပါတ်တစ် ပဟေဠိ သိုင်းသမားကြီးက လက်ရင်းတပည့်အဖြစ်  လက်ခံလိုက်တယ်ဆိုတဲ့ သတင်းဟာ အရှေ့ယူနီကွန်း တိုက်ကြီးမှာရှိတဲ့ ဂိုဏ်းအသီးသီးဆီကိုတောင် ရောက်ရှိခဲ့ပြီးပြီ မဟုတ်ပါလား ။

" ဟမ့်……။ သည်ကောင်လေးက ထူးခြားဆန်းကြယ် သိုင်းလျို့ဝှက်နယ်မြေထဲမှာ ကြက်ကန်းဆန်အိုး တိုးသွားတဲ့ပုံပဲ။ ကြယ်၁ပွင့် အရိုးတည်ဆောက်ပုံ ပိုင်ရှင်ဆိုတာက အများကြီး မျှော်လင့်လို့ ရတာမှ မဟုတ်တာ ။သမိုင်းတစ်လျှောက်မှာဆိုရင် ဆဋ္ဌမမြောက် ဆန်းကြယ်တံခါးကို ဖြတ်ကျော်နိုင်ခဲ့တဲ့ ထွဋ်ခေါင် ပါရမီရှင် အချို့တောင်မှ  ပြန်လည်ဝင်စားခြင်း နယ်ပယ်ကို ရောက်တဲ့အခါမှာ သာမန်အဆင့်ကို ရောက်သွားတာပဲ။ "
လီဖူချန်းရဲ့ လက်ရှိ စွမ်းဆောင်မှုတွေက အထင်ကြီးစရာ ဖြစ်ပေမယ့်လည်း  လူအများစုကတော့ သူ့ကို သိပ်ပြီး အထင်မကြီးကျပါဘူး။
ထူးခြားဆန်းကြယ် သိုင်းလျို့ဝှက်နယ်မြေဆိုတာက စမ်းသပ်မှုလေး တစ်ခုပါပဲ။ ဒါက ကောင်းကင်တာအိုလို တသမတ်တည်း ရှိနေမှာ မဟုတ်ပါဘူးလေ။
သည်စမ်းသပ်ချက်က တိကျမှု အနည်းငယ်သာ ရှိတာပါ။

ပြီးတော့ လီဖူချန်းဆိုတာကလည်း ကြယ်၁ပွင့် အရိုးတည်ဆောက်ပုံသာ ရှိသည် မဟုတ်ပါလား ။  အဲသည်ကိစ္စကလည်း ထူးခြားဆန်းကြယ် သိုင်းလျို့ဝှက်နယ်မြေရဲ့  စမ်းသပ်မှုတွေကို သို့လောသို့လော ဖြစ်သွားစေပါတယ်။
တကယ်ကို ဟာသပါပဲ ။  ကြယ်၁ပွင့် အရိုးတည်ဆောက်ပုံ ပိုင်ရှင်တစ်ယောက်က ဘယ်လောက်အထိ ဆန်းကြယ်တဲ့ ကိစ္စတွေကို ဆောက်ရွက်နိုင်မှာမို့လည်းလေ။

တကယ်လို့ လီဖူချန်းက ကောင်းကင်နယ်ပယ်ကို ရောက်ခဲ့ရင်တောင်မှ    အဲဒါက ကောင်းကင်ဘုံက လီဖူချန်းကို နှစ်သက်လို့ပါပဲ။ လီဖူချန်းက ကောင်းကင်နယ်ပယ်အဆင့်ထက် ပိုပြီး ကျော်နိုင်စရာ အကြောင်းကို မရှိပါဘူး။
ပြန်လည်ဝင်စားခြင်း နယ်ပယ်ကို ရောက်နိုင်ဖို့ ဆိုတာကတော့ အိပ်မက်ထဲမှာပဲ  ဖြစ်နိုင်ပါလိမ့်မည်။
' လူငယ်ဓားသမားတွေထဲမှာ ဓားဘုရင် ဖြစ်လာမယ့်သူက တစ်ယောက်ပဲ ရှိတယ်။ အဲသည်သူကတော့ ငါပဲ ။ လီဖူချန်း…… မင်းက ငါ့လမ်းကြောင်းမှာ  ဝင်ရှုပ်နေမှတော့ ငါကမင်းကို ကျောင်းမှန်းကန်မှန်းသိအောင် အကြောင်းပြရသေးတာပေါ့။ '
ချူးယီကလည်း လီဖူချန်းကို စိတ်ထဲကနေ ဓားကြိမ်း ကြိမ်းနေပါသေးတယ် ။
သူကလည်း လီဖူချန်းကို မျက်လုံးထဲမှာ မထည့်ထားပါဘူး။ လီဖူချန်းရဲ့ ရလဒ်က သူ့ထက် အနည်းငယ်လေးသာ ကောင်းသွားခဲ့တာ မဟုတ်ပါလား ။ လီဖူချန်းက သတ္တမမြောက် ဆန်းကြယ်တံခါးက်ို မကျာ်ဖြတ်နိုင်ခဲ့တဲ့အတွက် သူ့ရဲ့ ရလဒ်နဲ့ သိပ်ပြီး မကွာခြားလှပါဘူးလေ။