من اريد اطلع 😌
عيني حسوني راح اطلع
وين موليه
راح اروح لنويرة
ومترحين لازمج اني
غير اكلك
ميحتاج تكولين قابل وين رايحة
خوش
مرة ثانيه اريد اطلع 😌
حسون راح اطلع
وين تولين
انته مجوز من هاي الجمله شنو تولين
لا ازعلين يالله وين موليه 🤣🤣
حروح يم نويرة
متروحين ميحتاج تكولين
غير اترخص منك
يابه مرخوصه بكل وكت
خوش
قريتو قريتو قريتو
( مرخوصة بكل وكت )
كعدت اليوم الصبح
مزاجي برتقالي نضفت البيت كملت اموري حضرت الغدة عالطباخ وعفته وصحت على عبودي ابني اكعدة حته اخذة ونطلع نروح يم نويرة
قفلت البيت وطلعت بعدني نص الطريق ودك جهازي
نويرة ( الووووو ماما وين انتي )
شبيج جايتج بالطريق
مو داخابر عليج مدجاوبين ظل بالي
يا بتي غير طالعه ومابقه شي واوصلج
زين لعد
دك الجهاز 📞
( الووووو وينج انتي )
طالعه
وين موليه بتج تخابر عليج
استغفر الله ضايعه اني ودورون عليه هسة واصله يمهة
هااااا يعني رايحتلهة
اي
شعجب
شسالفه شنو شعجب بتي ورايحتلهة
وليش ما حجيتي
استغفر الله لعد منو كلي شوكت متردين روحي
ديالله روحي
وسمع واحد يمة يكلة ( هااا لكيتوهة ) وجاوبه اي اي طلعت رايحة يم بتهة
😳😳 شنو الموضوع منو دا يسال ومنو هاي الكيتوهة
لا هاذة عمي ديكلي عليج لكيتوهة
😳😳عمك ويسال ولكيتوهة
وصلت يم نويرة
هااا ماما هذا بابا ديخابر يكول لكيتهة وطلعت جايتج
اكللكم انتو متستحون فضحتوني وشهرتوني وبغداد ادور عليه ونتي تخابرين ابوج وبوج يخابر عليج يابه شنو اني طالعه واني اصلا ماصارلي خمس دقايق من طلعت لا وعمة همات يسال لكيتوهة
الي يسمعكم شيكول عليه بالله
ههههههه هااا مو اني من خابرت كلي بابا اني من طلعت من البيت هية موجودة واني كتله خاف راحت بيت بيبي ( بيت اهلة القصد ) وظاهر رايح هناك ومالاكيج
😳😳😳😳
يعني حته بيت عيالي عرفو بيه طالعه لا اله الا الله
دك الجهاز 📞
ماما هذا حيدر يسال عليج امي وين
يباااااااااااااااااااااااااووو
ولكم الله اكبر روحو للجامع وصيحو ترة امي طالعه اليوم
وجاي ندور عليهة
هاي اني طلعت اليوم ترة 😂😂😂😂
أنت تقرأ
يوميات زوجة عراقية️️
Humorمواقف طريفة منقولة لكم بقلم زوجة عراقية️️ وتقول لكم (( حياتنة سر كبير نحتفظ به خلف جدران منازلنا حبيت تشاركوني مواقف من حياتي بيهة حزينه بيهة مضحكة بيهة نطلب النصح لا تخلو المواقف من الفكاهة ولا يعني الشجار عدم وجود الحب العكس هو الصحيح الحب جمع...
