صباح الخير
مرات متحتاجين اتعبين نفسج بالكلام تجيج الردود من السماء وتاخذ حقچ
فد مرة جنه طالعين اني وجويسم بالسيارة رايحين لزيارة موسى الكاظم عليه السلام
نص الطريق وجويسم كلب مزاجة هندي بدة يفتعل العركة افتعال وبدة يسمعني كلام يخليني اشيط بس لزمت نفسي وكلت ما انولة مرادة وعكر مزاجي
كتله سمي بسم الرحمن ترة رايحين للزيارة شكو هالحرشة ترة متحتاج كل هالهوسة والعصبية
اشو هنوب زاد ما نقص شافني ماعاركتة ما رتاح ضل يستفزني يستفزني صبرت على نفسي بس اخر شي ما تحملت دا انفجر بي وچان تندك الجامة الي بصفحته نزل الجامه بنيه زغيرة شايله ورد بيدهة تبيعه لونه احمر وريحته زاكية
كلتله عمو الله يخليك اشتري 🌷 ورد
كللهة عمو ماريد روحي لا تندعمين
كلتله الله يرزقك عمو الله يخليك
كللهة عمو لتلحين ماريد شسوي بي المن انطي
كلتله انطي البتك الحلوة
كللهة بنتي شسوي بالورد اشتريلهة لعابه افضل
كلتله الله يخليك بتك الحلوة
هوة اندار على بته الي كاعدة ورانه ويه اخوتهة كللهة بابا تردين ورد 🌷 كلتله لا ماريد اريد العاب
عاد البنيه لزمت الوردة وقدمته كدامي وكلتله الهاي بتك الحلوة الله يخليهة الك 🤣🤣🤣🤣🤣🤣🤣🤣🤣🤣
عاد جويسم نطت عيونة وطفرت من راسة باوع علية ورد باوع علبنيه كلهة ماريددددد
وربكم بذيج الحظة وجان ينفتح السير وتحركت السيارات وجويسم دوسلهة ههههههههههه واني جنت لازمه روحي كوة من الضحكة لا نوب يحول عليه
ورة دقايق رجع للحرشة عاد كتله جويسم استر على روحك وجوز مني هالمرة سكتك رب العالمين بالجواب
اذا تستمر ترة يجيك الرد من موسى بن جعفر كافي استر علينه خل نرجع سلامات 😂😂😂😂
نوب مرات من يضوجني اذكرة اكوله خليه بالك ترة اني بتك 😂😂
ودمتم سالمين
أنت تقرأ
يوميات زوجة عراقية️️
Humorمواقف طريفة منقولة لكم بقلم زوجة عراقية️️ وتقول لكم (( حياتنة سر كبير نحتفظ به خلف جدران منازلنا حبيت تشاركوني مواقف من حياتي بيهة حزينه بيهة مضحكة بيهة نطلب النصح لا تخلو المواقف من الفكاهة ولا يعني الشجار عدم وجود الحب العكس هو الصحيح الحب جمع...
