يوميات زوجة عراقية️️

بعد الحب ( ٥)

الشكر كل الشكر للمصممة امواج البحر

( الحلقه الخامسة )

الحياة دروس ندرسهة غصباً عنه ان رضينه او ان ما رضينه لازم نخوضه

بس الشاطر الي ينجح ويجتاز امتحانه

وهذا الي صار ويايه

بيوم زواجي  اكتشفت طبيعه زوجي ومن يا نوع يكون

انسان محترم جداً طيب القلب  حنون  
كريم جداً نهائياً البخل ماله عنوان بحياته ماله شي بالنفاق ولا الغدر  وفي لكل شخص بحياته ومن دخلت اني حياته ملكتهة كلهة غيور عليه لكن بالمعقول  نهائياً مو شكاك والحمد لله رب العالمين

عمر الحب مازار قلبه لذلك صرت اني كل قلبه  قبل ليخلي الگمة بحلكة يوكلنياها اله ياكل

يحب الاكل هههههههه يعني هوة مو اكول وانما يحب الاطعمة الذيذة يعني يهتم بنوع الاكل يعني نكول ذواق بالاكل

بالمقابل نطيته الاهتمام والدلال والاحترام قمت بكل واجباته غذيته من كل النواحي العاطفيه والحياتيه الاخرى 

كل اقاربه تفاجأو شلون شخص مثل زوجي منعزل هادئ ماعندة اهتمام بحياته غير شغله وبيته كدر يحب ويدلل امرأة ارتبط بيهة خلال شهور قليله وكدرت تغيرة هالتغير

احمد الله وشكرة الي عوضني هالتعويض بدل الي كنت اتمنى ( وعسى ان تكرهو شيئاً وهوَ خيرٌ لكم   وعسى ان تحبو شيئاً وهوَ شرٌ لكم )

وزوجي كان كل الخير الي الله سبحانه كتبة الي

رغم كل الصفاة الجميله الي عندة بالمقابل اكو صفاة متعبه ايضاً ماكول مكروهة لا لكن صعبه اولهة كان نحس نحسس بشكل فضيع وهاي النحوسيه اخذت من عمري سنين اله كدرت اغير شويه منه والصفه الثانيه كان طريقه تفكيرة عكس طريقة تفكيري سبحان الي جمعنه اني ويااا وتفكيرنه نهائي ماكو انسجام بي هههههههههه

لكن عشنه مع بعض وحبينه بعض ودللنه بعض اي والله اعترف دللني دلال بالمقابل اني دللته 

وهذا الانسجام ما كان يناسب البعض

وخاصة لما يكون الشخص الي ازوجتي محط انظار العائله

لكن كدرت اجتاز الامتحان وكون عائله واحظي بانسجام مع عائلة زوجي ماكول ماكو مشاكل بسبب محبه ابنهم الي لكن عشت وياهم بالحلوة بالمرة عشت وياهم

اول اسبوع زواجي ورة ما خلصت حفلة السبعة مالتي اهلي عزمونه عالغدة عادة كل عائلة عراقيه بعد زواج بنتهم يعزمون عائله  النسيب  عالغدة ولبينه الدعوة ورحنه الاهلي

افيييييش يا ريحة الاهل امي حبيبتي جان وجهة اصفر ومريضه على فراگي وابويه حبيبي الغالي ماكدر يجتاز فكرة ازوجت وعفتهم وكان يعاني اما اخواتي صديقاتي عزيزاتي  تلكوني ملكة الفاقدين

وبعد ما كملنه وجبه الغدة والچاي والاحاديث بين العائلتين شفت اختي تحوص تحوص ما ادري شبيهة اخر شي كامت واشرتلي اروح وراها
ترخصت وكمت دخلت للغرفة وجرتني وكعدنه وبدت بالكلام