الجزء الثالث من خطبة 💍 كريم
تمت قراءة الفاتحة والحمد لله طبعاً احنه مرحنة بس امي اخذت وياها اختي الزغيرة وطبعاً ابوية واخوتي بما انه خطبه زلم
ورة ماكملو قراءة الفاتحة اتفق وياهم كريم جية الثانية يجيب النيشان ويااا ويعقد محكمة وماكو كعدة مهر وكذا لا بس يعقد لان حقة طريق بعيد خوما يوميه جايب اهلة ومرجعهم
بس مرت اخوهة للعروس اعترضت وكلتله احنه نجهز انطينه مهرهة وحنه نشتري هنا كريم انحرج مناك اهلة محضرين النيشان ومنا اهل العروس يردون همة يجهزون ادخلت امي وفض النزاع كلتلهة همة الجماعه مجهزين وميدرون بيكم تردون انتو تطلعون فيا بت الناس عبريهة وقابل راح تبقه بس على ذن عمر كدامهة وتشتري ونتهت المسأله على هاي
ورجع كريم للبصرة ورجعو العمام ويااا وبانتظار القادم
فد يوم كاعدين كولنة وابوي جاي من شغله والولد اخوتي هم موجودين وكلنة ملمومين وابوي سأل
اشو الجماعه من يوم راحو للبصرة بعد مابينو شوكت المحكمة شوكت النيشان عاد هناا اخوية ضحك وكال رحمة الميتينكم لا اجيبون طاري النيشان ترة تعقدت من الحلقه ومن الساعه ههههههههههههههه
عاد امي كالت انتو زين على هاي لعد لو اسولفلكم سوالف خالي قبل شجان يسوي شسوون
كلنه تحمسنه ياريت يمة سولفيلنه
تسولف امي تكول خالي فديوم جاي من البصرة الكربله زيارة ورة ما كمل زيارة اتجه للكراج وقبل الكراجات والسيارات مو مثل هسة لا من هاي الريم الجبيرة وماكو سيارات هواي متوفرة هنة شكم وحدة فمن نازل خالي للكراج يكول اتلفت يمنه يسرة يباوع منين سيارات البصرة
واحد سايق واكف يمة كلة حجي وين رايح انتة كلة طالع للبيت كلة ادري للبيت وين بيتكم كلة ونته شكو تسال وين بيتنة كلة حجي انته مو تريد ترجع البيتك كلة اي كلة اي بيتك وين بيا محافظه حته نصعدك
خال امي كايله ونتة وين طالع كله حجي طالع للمسيب اذا تريد اصعد وياي
خال امي كايله
ابداً انا اموت في بلدي
السايق صافن علي كلة حجي مداخذك خارج العراق دارجعك البيتكم
كله وبيتنة بالبصرة ونته تاخذني للمسيب لا والله اموت في بلدي
ههههههههههههههه يكلك السايق امدد بالكاع ويضحك
تكول ومرة خالكم سعيد اخوية رايح البيت خالي ابو كريم
تكول من صاير اليل خالي مجلب بسعيد مقابل يرجع كايله الصبح روح اليل مو امان
فسعيد صاعد للسطح ونايم بقريولة ابن خالة صلاح اخو كريم تكول خالي ميدري بسعيد نايم بقريوله صلاح
وذاك اليوم صلاح متأخر مراجع للبيت من وكت فخالي لازم حراسه عالباب حته من يطب صلاح خالي يستلمة
أنت تقرأ
يوميات زوجة عراقية️️
Hài hướcمواقف طريفة منقولة لكم بقلم زوجة عراقية️️ وتقول لكم (( حياتنة سر كبير نحتفظ به خلف جدران منازلنا حبيت تشاركوني مواقف من حياتي بيهة حزينه بيهة مضحكة بيهة نطلب النصح لا تخلو المواقف من الفكاهة ولا يعني الشجار عدم وجود الحب العكس هو الصحيح الحب جمع...
