صباح الخير يا مريميات
ولو التفاعل ميشجع بس راح اكملهة
الجزء الرابع من الثواب
ام سعدون شادة العصابه وتمسح البيت
والرجال يفتر وراها و بحلكة حجي
وهية غاديه بارود
وكل شوي يكلهة اساعدج. وتكلة لااع ماريد
يرجع يكلهة مو انتي تعبانه اساعدج
تكله ماريد محد متعبني غيرك بس روح اكعد وفكني
خلصت مسح وبقه المطبخ كالت ويه روحها ارتاح شوي وكوم للمطبخ اكمله
جنتهة وبتهة مسيرات يم بيت جدهن
اجة ابو سعدون وكعد بصفه
👴 ام سعدون فرد سؤال
🧕🏻 أسأل
👴 الحمص مو المفروض يتنكع قبل لا تطبخي
🧕🏻 اي طبعاً لازم يتنكع حته الحبه تنفش
👴 زين انتي ليساعج ما منكعته
🧕🏻 ابو سعدون انه اعرف شوكت انكعه مو ما اعرف
👴 خل اكوم انكعه الج
🧕🏻 ابو سعدون عوف الحمصات انه الي وقت انكعهن بي
👴 انتي ليش نحيسه وما ترضين نساعدج
🧕🏻 ابو سعدون روح للمطبخ وذنيج الحمصات وروح شسوي سوي بيهن
كام صاحبنه للمطبخ وجرقع برقع بالجدورة صاااح عليهة
👴 ام سعدون بيا جدر انكعه
🧕🏻 يمك الجدور وخذلك واحد جبير
👴 ام سعدون يصير بمعجانه
🧕🏻 اي يصير بس كون مو زغيرة
👴 ياهي بيهن الخضرة لو البيضه
🧕🏻 ابوووووووو سعدون عوف الحمصات انه انكعهن
هههههه عاف المطبخ صاحبنه واجة كعد يمهة يحجي ويدردم عليهة شلون ما تخلي يشتغل
ورة شويه كللهة
👴 ام سعدون هذي ال ال ال هذي ال جبتيهة بالجيس شبيج
🧕🏻 الطرشانه شبيهة
👴 اذكر جنتو تغسلوهة وتطلعون منهة الحصو وتراب
🧕🏻 اي تنغسل وتتنكع
👴 شو لا غسلتيهة لا نكعتيهة لو ناكلهة هية وترابها
🧕🏻 اي ابو سعدون اي ناويه بطينهة اطبخها عدك مانع
👴 هسة شكلت هوة سؤال
🧕🏻 ابو سعدون ما تتنكع هواي تخرب اذا تنكعت من هسة للصبح حلاتها كلهة تروح ويه المي
فغبشه اغسلها ونكعها وطبخها بسرعه يصير
صار عدك علم لو لا
👴 اي لا هذا هوة انتي اعرف بعد
رجع اخذله صفنه وكللهة
👴 ام سعدون تعرفين الطباخين شلون يطبخون التمن انه شايفهم شلون يطبخونة
أنت تقرأ
يوميات زوجة عراقية️️
Humorمواقف طريفة منقولة لكم بقلم زوجة عراقية️️ وتقول لكم (( حياتنة سر كبير نحتفظ به خلف جدران منازلنا حبيت تشاركوني مواقف من حياتي بيهة حزينه بيهة مضحكة بيهة نطلب النصح لا تخلو المواقف من الفكاهة ولا يعني الشجار عدم وجود الحب العكس هو الصحيح الحب جمع...
