يوميات زوجة عراقية️️

الميزان ١

مساء الخير يحبيبات 💋💋💋💋

يكلك ام سعدون رايحة مسيرة يم اختهة  الازغر منه اختهة جانت مسويه رجيم فمن كاعدات يسولفن اخت ام سعدون كالت الاختهة

اكلج دادة ام سعدون مو جنچ سمنانه شويه بس لا تزعلين  مني خية مو مطلعج اكبر من عمرج ونوب خاف تسمنين بعد اكثر ومو حلو وبي مضرة بس كون ماضايقج كلامي

🧕🏻 لا دادة ليش تضايقيني بالعكس بس اشو ابو سعدون من اكله يا رجال مو چني سمنانه يكلي لا جسمج حلو ومن اريد اسوي رجيم خية ما يشجعني ودوم يخربلي الجدول

تحجين صدك ام سعدون خية همة شعليهم الزلم لازم انتي اديرين بالج صحتج من السمن دادة هم تروح وحتين لبس ماتلكين بعد زين هوة ابو سعدون شعلي بالرجيم وليش ميخليج تضعفين

🧕🏻انه ادري  كلما اكولن ماريد عشة يحير شيقدملي مغريات بس علمود اتعشة
وترة هوة الصراحة يعني ههههههههه هوة لان عربانتي كبرانه هوة مكيف اي اي لا تضحكين علي چااا شسوي يحبنهة جبيرة وهلي ما يقبل اضعف

يايايايايا فلك فلكج كون انتي وعربانتج بالله عاقله ونتي تسمنين علمود ابو سعدون فرحان بالعربانه زين تعاي كليلي شكد وزنج صاير هم وازنه انتي

🧕🏻 والله يدادة ما وازنه ليش اكذب عليج ماعندج ميزان اوزن وشوفن شكد صايرة

اي عدي ميزان لعد شون اني اوزن مدشوفيني ضعفانه لان ملتزمه باكلي ومتبعه حميه دادة حته لبس كمت البس براحتي

🧕🏻بالله جيبي ميزانج خل اشوفن وهنااا صابتهة الصدمة ؟؟

يااااااااا يمة دهر صاب العدو كون وچ خية هاذ ميزانج يحجي صدك لو محشش

مو كتلج يا ام سعدون انتي سمنانة وهامله روحج ليش
ميزاني لا محشش ولا شي خية اذا عبرتي بعد هاذ الرقم خية كلبج يتعب

🧕🏻100 صدك جذب لالالا لابد من اسوي جارة الروحي مايصير خية مايصير نصدمت دادة نكفخت على راسي وبعد ماعلي منه يشجعني ما يشجعني لازم اشوفلي نظام ومشي علي بلكي اضعف

وبلشت ام سعدون بالرجيم وابو سعدون كلما يسالهة شبيج يمرة ليش ما تاكلين اطلعله حجة لو تخلي اكلهة كدامهة وتكلهم معدتي توجعي اليوم بس زلاطه
الى ان بدت ام سعدون بالنزول بس اول شي بين بي الضعف هوة وجهة ونتبه ابو سعدون المرة هالفترة مو تمام اكلهة وضعفانه وجهة تعبان سألهة

👴ام سعدون خيرج شو وجهج تعبان خوما مريضه شي عدج مشكله ليش وجهج تلفان وداشوفج هالفترة ضعفانه

🧕🏻والله ابو سعدون تريد الصدك انه مسويه رجيم چاا شني وزني صار 100 ونته كل ما اكلك سمنانه تكلي لا اميلج شمنتضر لما اصيرن مثل الفيل عود ذيج الساع تضل تضحك علي وتعيرني بسمني ونوب تكوم ادور عالرشيقه عبن بعد ما تصرفلك السمينة

👴لاه لاه لاه يا ام سعدون هاذ حجي بالله شنو رشيقه شنو سمينه هوة اكو بعدج مرة تحله بعيني وهاي العشرة الطويله الي بينه وتكولين ادور علي
انه غير اشوفنج حلوة بكل حالاتج ضعيفه سمينه مايغير شي عندي ؟؟؟؟؟؟ واني اكول هالايام العربانه هافته وصايرة عدله مو مثل قبل جنهة العافيه

🧕🏻يايايا باع الحظ ونته كل همك هاي جااا انته ماتكيف ارجع رشيقه مثل قبل

👴اكيف ليش ماكيف بس كون تنتبهين على تغذيتج مو تصفرجين وتوكعين هنوب نحير شون نرجع عافيتج
وهسة كولي شتردين اجيبلج من السوك فواكه

🧕🏻ماتفيدني الفواكه كله سكريات

👴زين شنو اجيبلج عصاير حته يرجع الدم بوجهج

🧕🏻 ماتفيدني العصاير كله سكريات

👴شسالفه زين اجيبلج لفه ترم عظمج شنو تردين تكة معلاك كباب همبركر كص

🧕🏻ماتفيدني بعد ما اكل صمون يخرب الرجيم

👴؟؟؟؟؟؟؟؟؟؟؟؟؟؟؟؟ زين شنو ابالج يفيدج

🧕🏻انه حت لو جبتلي من هذن الاكلات اكلن بس الحم خالي بدون صمون

👴 چاا خوش راح اوصي على كباب ونتي حضري زلاطه مالتج هاي اليومية اسوينهة

ومرت الايام وام سعدون مستمرة بالنزول بس هية طول هاي الفترة ماقايسه وزنه ماعدهة ميزان وراحت عد جيرانهم تريد تقيس وزنة

؟؟ انتضروني فد شويه تكملة 💋💋