يوميات زوجة عراقية️️

الخطبة ( الجزء الثاني)

الجزء الثاني  من خطبة 💍 كريم

بعد ما قررو ياخذون امي وياهم البيت اهل العروس حته يشوفوهة اصرو بنفس اليوم يرحون عاد ابوية مقبل كلهم ترتاحون وتباتون اليلة وباجر باذن الله ترحون تشوفون عروستكم براحتكم انتو جايين تعبانين من طريق طويل اكيد مراح تفتهمون شي من الجماعه وحته اذا تفاهمتو متختلفون على باقي التفاصيل حجة خال امي وكال

ابو عادل احنة نشتري وجوه طيبة  وذا همة يدورون الستر ما يدورون  زايد وناقص ويانه وكريم بعد تعرفة خوش كريم بس الوضع الاقتصادي شوي مو تمام فلذلك نحرص انو يكون المهر سعر مناسب  كريم قاطع ابو وحجة

اي حجي الوضع الاقتصادي مو تمام  مو خزينة العراق عدي مفلسة وماكدر ادبر مهر للمرة  زمخ بي خال امي وكلة

خفت الچهرة الزفرة مو كاعد اكبر براسك وبيض وجهك لو انته متعلم على الاهانة 

احنه طبعاً جيب بطن وضحك وكريم المصيبه كاعد گبال ابو ويضحك ويانه ولا چن مغسول   رزاله

صار اغروب والجماعة صلو وبدينه نحضر عشاهم وبهالاثناء اخوية العسكري نزل باجازة يايمة من شافهم شون فرح بيهم وخاصة يحبون كريم وسوالف خال امي  وحجيناله انو كريم يريد يخطب وشتغل التصنيف

بعد العشة اجتمعو الجماعه اجتماع مغلق يتناقشون بي شنو احتمال يطلبون اهل العروس من نيشان ومهر وشنو همة ناوين يطون مهر طبعاً احنه صافنين نخاف ندخل لا نترزل من خال امي لان جان جداً حريص على المهر ورة ما خلصت السهرة والتعلولة  فرشنالهم وبما انو همة متعلمين على كعدة الفجرية فكلنه كعدنه على كعدتهم لان الجماعه لا زالو يتناقشون بموضوع المهر والنيشان احنه صح غرفتنه فوك وهمة نايمين جوة بس الصوت والحركة والطكطكة بالمطبخ لتجهيز الريوگ وصوت ابوية عالي فكعدنه حته نكمل اخر قرارتهم للمهر والنيشان

وبعد ما تريكو وصار وقت طلعتهم  تجهزو الجماعه وتحضرو طبعا كريم جان لابس قميص وبنطرون واخته كانت لابسه عباا مال راس بس الكشخة چانت الخال امي 

الصاية الزينه والعباا المذهبة والعگال المرتب والساعه الي بالايد وكل شوي يفر بيهة هاااا وحالق من الصبح فاول ما كعد اخوية العسكري وشاف الكشخة كله

خالي والله انته العريس طالع يمكن العروس الك مو الكريم وشوفلك خال امي نتفخ وطارن ريشاته ويكول

اااااه ااااه هذا الحجي الزين من الناس الزينه مو كريم المرعبل

طبعاً اخوية يحجي وغاص ضحك كله خالي عوزك بس عطر وتكعد تمام هسة اجيبلك واجي وهوة يكوله الكريم والغسل ما جايب عطر وياك المن جاي تخطب لعد وكريم ولا كانو مترزل يضحك

ورا ما خلصو استعدادات وتوصيات وكل شوي يعيدون ويصقلون بالاتفاقيات 

طلعو وراحو البيت اهل العروس وبما انو بيت اهل العروس قريب علينه يعني حسبة خمس دقايق مشي فراحو بله سيارة وياهم امي هذا الحجي اني وخواتي كاعدين على نار شوكت يجون ونعرف شصار بالخطبه   والحمد لله كان بذاك اليوم ماكو عدنه مدرسة لان جمعه الى ان رجعو الجماعه من اهل العروس الوجوه مچفيه هههههههه

بس امي اباوع اله كل شوي حاطه شيلتهة على وجهة وتضحك