يقليباتي يا حبيباتي
تخمي القديم جنت ضايجه منه الصراحه اريد ابدله وطبعا جويسم لازم يعترض ولازم يمنع ولازم اتوسل وقنع وبما انه هوة كلشي ميفيد ويا فأذن نحتاج الى خطة
طبعا بعد صبر شهور من رجعتي البيتي واني اتأنة بالتنفيذ وبعد وصل حدهة الدودة الي متكعد راحة حاصت حاصت حاصت الى ان كاعدين يوم الثنين الظهر عالغدة هوة ديتغدة ويه ولدة واني جنت صايمة
صفن عليه كلي بيش تفكرين كتله صار هواي مرايحه الامي
كال الخميس روحي والسبت رجعي سكتت
كال شبيج جنج ماراضيه كتله لا بس اريد اروح اليوم كلي وج وين اكو هسة يصير العصر ولدج دوام شوكت تلحكين😭✌️
كتله صار هواي مشايفه امي مريضه وكلش شتاقيت
خل اروح هسة وباجر الصبح ارجع والزغير باجر دوامه ظهري والجبير بقي هنا كعدة الصبح انته والصبح باجر اني هنا راجعه
صفن عليه كلي شبيج متوازيه 🥺🥺 كتله كيفك وكمت وعفته ورحت كعدت بالهول
اجه كلي والله اني علمودج هم صايمه وهم متلحكين وهم ترجعين باجر خو الخميس العصر روحي وباتي والسبت رجعي تردين اجيج اني تردين ترجعين انتي كيفج صدكي علمودج
كتله اني جمعه وسبت ماريد اطلع لان استراحتك واني همات اريد ارتاح ماريد اطلع اخر شي بعد جدال عريض طويل كلي روحي 😁😁😁😁
اني همات بساع بساع لبست وجريت ابني وقريب ما اوصل للشعب نزلت على اهل الاقمشه مال تخومة وينشده بالي وتزغلل عيوني وعقلي يطير بالالوان والاقمشه والفيكات اخر شي ستقريت على قماش عجبني وطعمته بسادة ودفعت فلوسه وخذته رحت بيت اهلي شفت امي وفطرت عدهم وبليل خابرني جويسم بعد السلام والكلام والتحيه كتله اليوم من وصلت السوك بالطريق شلون اقمشه حلوة شفت كال مال شنو كتله مال تخومه 😜😜✌️كلي هم رجعنة بابا مو وكته كتله زين راح ادزلك صور وشوف قابل تخسر شي كال دزي
دزيتله هواي نماذج صورتهم بالمحلات وكتله شنو رايك👀👀كلي حلوات عجبني واحد ودزلي صورته سبحان الله نفس الي شتريته 😄😄😄😄😂😂😂😂 كتله حبيبي ما خليهة بنفسك كلي شنو قصدج كتله سلامتك ونام وصبح الصبح واخذت ابني ورجعت طبعا البيت فارغ ذبيت القماش بالهول وكعدت انضف ورتب الى ان فتح الباب جويسم وطب
اول مدخل كال هاي شنووووووو😳😳😳😳 كتله مو عجبك واني جبته كلي شسوين بي كتله دوشملي التخم
صفن صفن صفن 😡😡😡😡كال مادفع فلس كتله ابد
كلي وتبقين شهر بله تخم الى ان يكمل كتله قابله ورااا عدة شروط وتهديدات
تم رفع التخم وبنجاح
هههههههههههههههههههههههههههه ومن يكمل ادزلكم صورة للتخم الجديد🥰🥰شلوني
أنت تقرأ
يوميات زوجة عراقية️️
فكاهةمواقف طريفة منقولة لكم بقلم زوجة عراقية️️ وتقول لكم (( حياتنة سر كبير نحتفظ به خلف جدران منازلنا حبيت تشاركوني مواقف من حياتي بيهة حزينه بيهة مضحكة بيهة نطلب النصح لا تخلو المواقف من الفكاهة ولا يعني الشجار عدم وجود الحب العكس هو الصحيح الحب جمع...
