الجزء الثالث من الثواب
بعد ما كمل مسواك ام سعدون وكلشي تمام
بقت عدهة شغلة وحدة يجيبوهة والمرة تطبخ
🧕🏻 ابو سعدون الجدورة اريدن تجيبهن الي من اختك جانن يمي ومن اخذتهن ما ردتهن بعد
👴 اي سهلة اليوم العصر ادز حويدر عليهة يجيبهن هية يمهة واحد وعد ام محمد واحد
🧕🏻 يااا چااا شلون
بالله الي يم ام فاطمه سهل حويدر يروح علي بالله قريبه
بس ام محمد بعيد لازم بالسيارة واحد منهم يجيبه علينه
👴 حويد يروح على ام محمد يجيب واحد ومن يرجع
يرد يروح الام فاطمه يجيب الثاني
🧕🏻 يااااع جايزه من ابني دازينه لهناك صدك تحجي چاا هوة جدر شيشيله حاطه على راسه
مناك لهنا زغيرون الجدر شكبرة شعرضه لا لا فدوة شني يهد حيله يمشي بيه نص ساعه
👴 هسة الله كريم العصر عود من اشوفهن اكللهن
ام سعدون اخذت صفنه على اماعين السفري وباوعت على اجياس التمن وكالت
🧕🏻 ابو سعدون اظن الماعين ما تكفي يرادلنه بعد فوكهن فد عشر اماعين بعد هذا التمن راح يصير بركة
👴 يكفي يكفي معليج
🧕🏻 اكلك هية مبينه اذا بس نص فرعنه بيه 15 بيت زين والباقين ابيش نوزعلهم
👴 اكلج هنة كلهن خمس بيوت سته اصلا هذن اماعينج راح يزود منه
🧕🏻 ياااااااااع شلووووون جااا احسب وياي وشوف
منا شكم بيت ومنا شكم بيت ومن هاي الصفحة شكم بيت ومن هاي الجهة شكم بيت
اكثر من 30 بيت فدوة ابو سعدون اعبر جيبلي وتعال
👴 الله كريم عودك اذا عوزتي باجر عود نجيبلج
🧕🏻 يابه هوة احنه نلتهي منو بعد يروح فدوة يابو سعدون لا تحرجني يجينه احد منا منا اظلن حايرة
👴 يكفن يكفن معليج باجر عود اذا عوزتي الله كريم
هم سكتت المرة وامرهة لله
رجعت كلتله
🧕🏻 ابو سعدون محتاجة جدر بعد جبير اكبر من ذن العد خواتك
👴 اااه شسوين بي مو عدج واحد وعد خواتي ثنين صارن ثلاث كافي بعد شعدج
🧕🏻 هذا الي عدي اريدنه للطرشانه هم يالله
والي عد خواتك اريدنهن للتمن واريد واحد اسوي بيه التشريب
👴اي كافي شعدنه جايبين ثلاث طليان
هنة شكم كيلو لحم كافي كافي ميحتاج
🧕🏻 يابه انه اكلك احتاج جدر بعد ثلاث ما يكفن افهم عليه ثنين اطبخ بيهن تمن واحد للطرشانه وريدن واحد للتشريب
👴 اي واحد للتمن واحد للطرشانه او واحد للتشريب بعد شسوين بالرابع
🧕🏻 ابو سعدون دخيلك لا تورم افادي جاي اكلك التمن جدرين اسويهن وعدي جدر للطرشانه وريد واحد بعد
أنت تقرأ
يوميات زوجة عراقية️️
Humorمواقف طريفة منقولة لكم بقلم زوجة عراقية️️ وتقول لكم (( حياتنة سر كبير نحتفظ به خلف جدران منازلنا حبيت تشاركوني مواقف من حياتي بيهة حزينه بيهة مضحكة بيهة نطلب النصح لا تخلو المواقف من الفكاهة ولا يعني الشجار عدم وجود الحب العكس هو الصحيح الحب جمع...
