يوميات زوجة عراقية️️

الرمانة

ياا مساء الخيرات 💋💋
منو منكم تذكر موقف احزنهة بيوم زواجهة 💍👰

خلي احجيلكم اول يوم اني وعريسي جويسمي
طبعا زواجنه كان عن طريق الاقارب لا اعرفه ولا يعرفني وتمت الخطوبه والزواج طبعا مثلي مثل اي وحدة فرحانه بدلةوزفه ومعازيم ودلال المهم خلصت اليوم  وجتي الزفه وزفونه بفندق بذاك الوقت صعدنه غرفتنه وحسب الاصول وراحو الاهل وصفينه اني وياا وحدنه ههههههههه ما احجيلكم ثنينه كلشي منعرف ومدري شلون صارت الاجراءات بذاك الليله  ههههههههه طبعا  بعد جر وعر  اتضح عريسي امفهمي انو اني اعلمه واني جماعتي فهموني انو هوة يقود الامور وظلينه مثل الثولان اني وياا اخر شي عصب عليه وكلي شنو تضحكين عليه انتي 😠
هنوب تعالي شلون تصرفين الاخ مو خبرة واني كاتلني المستحه كعدت ابجي شسوي معندي حل غير ابجي 😢 هههههههههههههه ماطول السالفه ورة ساعتين تلاثه فضت راحت الشغله وكلشي تمام ✌️
زين من فضت غير الاخ يحتويني يشوفني شحتاج  لا شو هاذة كام راح عالتلفزيون  وكعد يتفرج اخبار وعافني محتارة بروحي ما كللكم شلون حزت بنفسي ونقهرت بس سكتت لان ما ماينه علي واصلا هوة معندة خبرة بالنساء ففضلت السكوت 😞
راحت ايام وجت ايام وراحت سنه وجتي سنين ههههههههه اختكم اذكرت الموقف طبعا جنت قبل استحي منه هسة لا يا مستحه يا بطيخ
وبليله من اليالي واجهتة    جنه كاعدين كتله جويسم كلي هااا كتله تذكر يوم عرسنه كال خير كتله تذكر .. كال اي ليش ينسي هاليوم ..كتله تذكر من بجيتني ..كلي  شذكرج يمعودة كتله تذكر من فضت كال اي شجاج اليوم ..كتله شكد نقهرت بكتهة وحزت بنفسي من عفتني احير بروحي وكتفيت بوسه بالكصه ولا كلت بت الناس احتويهة كلي زين هسة شتردين كتله حقدت عليك .. كال المطلوب ..كتله اقلها هون عليه كلي يمعودة بتج ذاك اليوم زوجتيهة ونتي جايتني تحاسبيني على يوم عرسج 👰
سكتت بس شلون وكلبي المحروك شلون
ورة شوية جويسم يحوص كتله شكو كال شبيج خل نتمازح كتله ما تمازحت بيوم عرسك جويسم سكت .. ورة شويه كلي زين جيبي فواكه كتله ما خدمتني من جنت عروس .. سكت ورة شويه كلي مو تحبين الرمان كتله اي كال جبتلج رمان نزلي جيبي وكلي
اني هم نزلت على عمه عيني  وكلبي محروك هههههههههه
جبت رمانتين بصينيه زغيرة كلي فتحيهن ههههههه كتله اي ليش متفتحهن انتة لو هاي هم اني ولازم احير بروحي سكت كلي من ايدج اطيب كتله ولو حاقدة بس ميخالف
شايفين الرمانه من تكصوهة بالسجين بالنص شلون ينزل مي احمر منهة ههههههههههههههه
كتله جويسم كال هااا شفت الرمانه ضحك كال شبيهة كتله شوفني شلون حفتحهة هههههههه كال خوش كصيتهة من النص كتله جويسم كال هاااااااااا شفت المي الاحمر شلون نزل كال عادي كل الرمان هيج
خخخخخخخخخ كتله هيج ذبحتني وعفتني بليله عرسي  مثل هالرمانه المسكينه
هههههههههههههههههههههههه كلي انعل ابو الي يريد منج شي ولاريد رمانج اكلي وحدج وحته كعدة ماريد انطمر افضل
ولف راسه ونام وهوة ينافخ هههههههه واني مرتاحه انتقمت منه وأكلت الرمان وحدي مثل ما حرت وحدي بليله عرسي.  👰 هههههههه 🤣🤣 😂😂
الى اللقاء