ولتقيناااا بموعد اخر من جديد 🌹🌹🌹🌹🌹🌹 بقلم ام عبودي
للترفيه☺️☺️☺️☺️
ام سعدون المكرودة سنهة هايج عليهة وحالته حاله واليوم مسيرة يمهة جارتهة ام ابراهيم تسأل عنهة لأن ام سعدون صار فترة ما زايرة جارتهة وهنة متعودات يتزاورن بيناتهن وخاصه هاي ايام شهر رمضان المبارك
الحديث الي دار بيناتهن؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
🧕🏻اااااه ااااااااه اااااه
👧🏻ماما ليش متفطرين هسة انتي مريضه اخذي اقلها علاج
🧕🏻اااااااه ااااااه دهر فرج افطر علمود حباية شفهمج انتي لا تحجين سكتي مو وكتج
كومي شوفي منو بالباب
👩🏻🦱السلام عليكم شونج احبيبه ام سعدون ظل بالي عليچ شوماكو هالايام لا تمرين لا نشوفج خفت عليج والله ظل بالي كلت بس لا مريضه
🧕🏻ميت هلة زارتنة البركة ام ابراهيم عدي حلت الساعه المباركة
وي دادة چن كلبچ يعلمچ اي حبيبه اي چاااا غير سني ياحظي المصخم صار اسبوع مورم وحالتي حالة
👩🏻🦱اسم الله عليج من الاه والوجع والله چن كلبي عالمني انتي تعبانة وجيت اليوم اشوفج دادة مچان رحتي للطبيب شمصبرچ اله وجع السن خية ما ينحمل
🧕🏻بعيد عنج دادة بعيد عنج
ذب فلك خية مو سن طركاعة وطاحت على راسي ومن كلج ما رحت
رحت دادة رحت دادة هاذة سني قبل سنة هاج علي واني كلت خل يول شني انة بية حيل دكاترة واسم الله عليج بنج وهاذ الجهاز الي يسوي ازززززززززززززز چاااا انه شنو الي مصبرني غير هاذ الي يسوي اززززززززز اي فأنة كل ما يوجعني خية اخذلي علاج ويسكت بس هالنوب كلي صبريلي صارلج سنه تخدرين بيه انه الچ
👩🏻🦱وي اسم الله عليچ خية وما رحتي للطبيب شمنانية يا حظي
🧕🏻تجيج السالفه
انه رحت مو ما رحت
تعرفين انه عدي دكتورة اراجع يمهة ايدهة شحلاتهة خفيفه ولاحسن ونوب هية شكد نازوكيه وحبابه وخلوقة وانة ارتاح على ايدهة
👩🏻🦱اي ورحتيلهة
🧕🏻دادة رحت وبقيت واكفه يم باب العيادة بالنص ساعه وتالي طلعلي الحارس مال العمارة وگلي ترة ما اداوم الدكتورة
كتله ليش كلي من صارت كورونا لليوم الدكتورة ما تجي
👩🏻🦱بة يمة وشسويتي بسلا رجعتي ومسويتي
🧕🏻چااا غير تطيني صبر وحجيلج
خية سألت وين اكو دكتور دكتورة كاعدة الصبح لان مابيه صبر للعصر ونوب صيام فأكيد يعزلون من وكت اي فسألت ودلوني على طبيب قريب علينة انة هم خطفت رجلي ورحت عالوصف ولگيت وادم گبلي بس موش اهواي كلت اكعد ونتضر شعدي ليما يوصل سراي اي يدادة وناس تدخل ناس تطلع
عاد سالت مرة كاعدة حذاي
كتلهة خية هاذ الطبيب زين مراجعه عدة كالت والله حجية خوش دكتور ومضبوط والله انة هم سكتت كلت بگلبي نشوف
أنت تقرأ
يوميات زوجة عراقية️️
Humorمواقف طريفة منقولة لكم بقلم زوجة عراقية️️ وتقول لكم (( حياتنة سر كبير نحتفظ به خلف جدران منازلنا حبيت تشاركوني مواقف من حياتي بيهة حزينه بيهة مضحكة بيهة نطلب النصح لا تخلو المواقف من الفكاهة ولا يعني الشجار عدم وجود الحب العكس هو الصحيح الحب جمع...
