يوميات زوجة عراقية️️

ابو عطسة

هاي اليوم الصبح طبعا بسبب الحجر والعطله الطويله الي مجاي تخلص دنام لاوقات متأخرة من النهار فاني كعدت قريب العشرة ونص وجويسم كذلك بس منزلنه بقينه بفراشنه صافنين عالتلفزيون  فتح الباب ابني الزغير دخلته وياي بالغطة وبهالاثناء نسمع صوت عطسه قويه جايه من الشارع اني وجويسم واحد يباوع بوجه الثاني كتله الي يعطس غير يخلي كلينس يخلي ايدة حته يخفي العطسه وبلاويهة كلي والله مادري شبيهة الناس ويه مدنحجي ابو عطسه دك بابنة 😝😝كتله كوم جويسم الباب كلي والله ماكوم هم عاطس يمنه وهم يدك بابنه من كل عقلج افتح الباب
شو هاذ كام يصيح بسم زوجي بصوت  عالي كتلة يمعود ديصيحك كال داكلج عوفي            الرجال ماطول خلة وراح طبعا نعرفه منو من صوته نسيب زوجي
نزل ورة نص ساعه جويسم سمعت صوته فتح الماطور جر الصوندة غسل الكراج وغسل الباب وجان يطلع للشارع دينضفه وجان ابو عطسه يلكفة ويكله قبل شوي صحت عليك ليش مفتحتلي كلة يابه جنت نايم شعدي كاعد من وكت رجع جويسم سالة لبو عطسه كله شعدك طالع من الصبح كله والله رحت الباب الشرجي ورجعت  هههههههههههههههه كلة تحجي صدك باب الشرجي بهالوضع وجماله عاطس ابابنه ونوب رجعت عليه
هذاك الوتي ضحك كلة شمدريك اني  عطست كلة مافتحتلك الباب من عطست هنوب رجعتلي هم عاطس وهم من باب الشرجي راجع ههههههههههههه
نزلت كتله مو كتلك كوم هسة زين الرجال سوالك كبسه

ودمتم سالمين 🌹🌹🌹🌹